दुधी भोपळा - स्पेशल

हलव्याची रेसिपी नाही का लिहिलेली इथे?
सर्च मध्ये सापडली नाही.

आई दुधीची खीर करते...एकदम सुंदर लागते....त्यात ते मिल्कमेड वगैरे घालून...ती फ्रीज मध्ये एकदम थंडगार केली कि आईस्क्रीम सारखी लागते.....

आणि दुधीच्या कोवळ्या सालीची चटणी एकदम कैरीच्या गोड आंबट चटणी सारखी चविष्ट होते......आंबे नसणाऱ्या सीजन मध्ये आई करते अधून मधून....माझ्या ऑफिस मध्ये सगळ्यांना खूप आवडायची....

दुधीच्या सालीची चटणी.......दुधीची कोवळी सालं, एखादी मिरची,पुदिन्याची पान चविनुसार, जिरं, कोथिंबीर, दोन तीन लसून पाकळ्या , छोटा गुळाचा खडा, हे सगळ मिक्सर मधून बारीक करून घ्यायचं त्यानंतर त्यात मीठ घालून मोहरी आणि हिंगाची फोडणी द्यायची आणि शेवटी लिंबू पिळायच......करूनच बघा एकदा.....एकदम मस्त होते

आणखी एक पदार्थ आता आईने सांगितलाय.....दुधी किसून घेऊन दाब देऊन पाणी काढून घ्यायचे....त्यात ओवा, थोडे तीळ, जीर, गोडलींब (कडीपत्ता) मिरची आणि कोथिम्बिर यांची पेस्ट करून घालायची मीठ आणि तांदुळाची पिठी घालून हाथावर थापता येईल असे भिजवायचे.....१५mnt तसेच ठेऊन नंतर हातावर थापून हे वाडे मस्त खरपूस ब्राउन होईपर्यंत तळून घ्यायचे.....सुपर्ब होतात एकदम

आई दुधीची खीर करते...एकदम सुंदर लागते>>>>>>>>>>>recipe milel ka?

शूम्पी, तुला हलव्याची रेसिपी हवी आहे का?
दुधी हलवा- दुधी किसून घ्यावा. हलवा काळपट पडायला नको असेल तर कीस उकळत्या पाण्यात दोन तीन मिनिटं ठेवून निथळून, पिळून घ्यावा. एकीकडे खवा किसून घ्यावा आणि थोड्या तुपावर परतून घेऊन बाजूला काढून ठेवावा. त्याच तुपात दुधीचा कीस परतून त्यात साखर घालून शिजवत ठेवावं. शिजतानाच त्यात केशर, ड्रायफ्रूट्स, वेलदोड्याची पूड, चारोळी वगैरे घालून टाकावी. एवरेस्टचा दुधाचा मसालाही चालेल. पाणी आळायला लागल्यावर तुपात परतलेला खवाही घालावा. शिजल्यावर घट्ट वाटल्यास थोडं दूध घालूनही चालेल.

दुघी प्रचंड आवडणार्‍यांत मी. साधी कांदा, ओलं खोबर्ण, कढीपत्ता, हळद-तिखट-मीठ (हवी तर साखर), धण्याजीर्‍याची पूड घालून केलेली अंगालगत रस्सा असलेली भाजी आणि चपात्या एकदम चविष्ट लागतात.

माझी आई दुधीची गोड भाजीही करत असे. तुपावर काळे मीरे, लवंगा, वेलची घालून त्यावर सालं काढून फोडी केलेला दुधी शिजवून घेणे. मग त्यात दूध घालून अजून शिजवणे. मग साखर आणि चवीपुरतं मीठ घालून ही भाजी करतात. छान लागते.

मला व्हाईट सॉसमधला दुधी हा प्रकार अत्यंत आवडतो. फक्त कॅलरीजच्या अंगाने जरा अंमळ जास्त असा हा पदार्थ असल्यामुळे कधी कधीच खाते. दुधीचे चौकोनी तुकडे शिजवून ते मैदा+लोणी+दूध यांच्या तयार केलेल्या व्हाईट सॉसमध्ये सोडायचे, चवीला मीठ-मिरपूड-मिक्स हर्ब्ज, हवी असल्यास एखादी मिरची. पोळी, ब्रेड, पाव, फुलका यांबरोबर खायला ही सौम्य चवीची भाजी मस्त लागते.

याशिवाय चक्क्यात मीठ, साखर, राईपूड घालून त्यात उकडलेला दुधी व सोबत हव्या असल्यास इतर वाफवलेल्या भाज्या (श्रावण घेवडा, बटाटा, मटार, गाजर, स्वीट कॉर्न इ.), डाळिंबाचे दाणे वगैरे घालून तयार होणारे रायतेही अफलातून लागते. चक्क्याऐवजी दहीपण चालते, फक्त चव वेगळी येते.

माझी मावशी दुधीची आणखी एका प्रकारे भाजी करते. तेल, हिंग, मिरची, हळद, मोहरीच्या फोडणीत साल काढलेल्या दुधीच्या फोडी व भिजवलेली मूगडाळ घालून शिजवायचे. सोबत ओले खोबरे, कोथिंबीर, गूळ, काळा मसाला, मीठ घालायचे. आणि भाजी शिजत आली की त्यात थोडे दूध घालायचे. ही भाजी चवीला छान लागते.

मी पण दूधी भोपळ्याची मोठ्ठी फॅन आहे. काळे वाटाणे घालून एक मस्त तिखट भाजी करतात. कुणाला माहीत असल्यास रेसिपी टाका ना.

आता इथेच विचारते. दुधीची भाजी करायला म्हणून दूधी चिरला. नंतर लक्षात आले की एव्हढी भाजी संपनार नाही. तर त्या भाजीसाठी चरलेल्या दधीची खीर किंवा हलवा करता येईल का? हलव्याच्या रेसीपीत दूधी किसुन घ्यायचा असतो ना?
खीरीची रेसिपी पण हवी आहे.
दुधीचे रायते पण करणार आहे पण तरी उरेलच!

अरे वा... माझ्या आवडीची भाजी...

वत्सला.... फोडी केल्या तरी हरकत नाही.... तो दुधी जरा भरड म्हणजे मिक्सर मधुन फक्त एकदा टर्र करुन काढा. तुपावर परता, दुधीचं आंगचं पाणी आटलं की त्यात जायफळ, वेलची, काजु घालुन मस्त वाफ काढा, मग त्यात मिल्क मेड किंवा साखर्+दुध घालुन छान दाट्सर खिर करा.

माझी आई, दुधी वरील प्रमाणे शिजवुन घेवुन मग तो थंड करायची. दुसर्‍या बाजुला दुध थोडे आटवुन थंड करुन, त्यात गुळ घालायची. मग सगळं एकत्र करुन थोडी साय फेटुन त्याला थंड करुन एक वेगळाच डेझर्ट चा प्रकार करायची. गुळा मुळे ख्मंग चव येते. आणि दुध थंड केल्याने फाटत नाही. साधारण संध्याकाळी खायचा तर सकाळीच सगळं शिजवुन्/आटवुन गार करायचे फ्रिजात. मग आयत्या वेळी दुध्+दुधी+गुळ घालायचा..... मस्त चव येते.

बाकी दुधी डाळ , कोफ्ते, परोठे, भरीत, दुधी बेसन, दुधीच्या किसाचे थालीपीठ, दुधीच्या किसाचे घावन हे मी नेहेमीच करते.

इकडे सांगितलेल्या रिंग्ज करुन पाहिल्या पाहिजेत.....

धन्यवाद मोकीमी! करून बघते!
निम्म्या दुधीची बेसन घालून भाजी केली. मुलींनीही आवडीने खाल्ली.

दुढि रिन्ग कोनि केल्या आहेत का?

मी पन दुधि चि खूप मोथि फान आहे. माला दूध घालुन आनि मूगाचि किवा चन्याचि दाल घतलेलि भजि खूप आवद्द्ते.

मोकीमी, तुम्ही सांगितलेल्या पद्धतीने खीर केली. मस्त झाली होती. थोड़े मिल्कमेड आणि दुधाची पाउडर घातली. साखर अजिबात घातली नाही.

दुधी भोपळ्याचे गोल, पातळ काप करून त्याला मिरपूड, चाट मसाला, मीठ लावायचे आणि मावेमध्ये एक दोन मिनिटे शिजवायचे, छान लागतं. मधेच बाजू बदलायची. मी शक्यतो एक मिनिटंच करते. तीस सेकंद्स झाली कि बाजू उलटवते कापांची.

दुधी कोवळा बघूनच आणतो आपण शक्यतो, त्यामुळे सालासकट हे मी करते.

सात्विक भाजीच्या मस्त मस्त पा कृ !