ओरिगामी सुशी विथ मिंट डिपींग सॉस

जपानी 'सुशी' हा प्रकार ऑस्ट्र्लिया त आल्यावर पहिल्यांदी ऐकला. नावावरुनच (नाक मुरडलेली बाहुली) हा पदार्थ जरा विचित्रच वाटत होता . त्यातुन मी शाकाहारी त्यामुळे आत सीफुड भरलेला आणि सी वीड मधे गुंडाळलेल्या पदार्थाची चव घ्यायला मन नकोच म्हणत होतं. पण युनी मधल्या एका जपानी मैत्रिणी ने खास माझ्यासाठी शाकाहारी सुशी बनवुन आणली. तिने एव्हढा माझा विचार करुन सुशी आणली म्हणुन मी खाऊन बघितली. पण त्या बाहेरच्या सी वीड ची चव काही आवडली नाही. त्यामुळे परत कधी त्या सुशी कडे वळले नाही.

परंतु मागच्या काही वर्षात सुशी च्या दुकानांचे मॉल्स मधे फुटलेले पेव (हल्ली भारतात जपानी रेस्टॉरंटस, पंचतारांकित हॉटेल्स मधे सुशी मिळते) आणि दुकानात दिसणार्‍या सुबक आकाराच्या, हेल्दी सुशी बघुन काहीतरी आयडिया करावी असे वाटले. राईस पेपर चे सॅलॅड रोल्स मी नेहेमी करते पण त्याची सुशी बनवावी ही आयडिया मा बो च्या या स्पर्धेमुळे सुचली...

बरच झालं आता सुशी पुराण...चला तर ही घ्या पाककृती...

ओरिगामी सुशी:

१. शिजलेल्या भातात दही + आलं + चिरलेली कोथिंबीर + मिरची + पुदिना (ऑप्शनल) चवीला मीठ आणि हिंग घालुन घट्ट कालवुन घ्यावा.
२. गाजर + बीट यांचे लांब पातळ तुकडे (ज्युलियन्स) करावेत. तसेच आवडत्या सॅलॅड्स ची पाने लांबट चिरुन घ्यावीत.
३. एका पसरट ताटात कोमट पाणी तयार ठेवावे.
४. आता एक राईस पेपर घेऊन तो या पाण्यात अगदी ८ -१० सेकंद बुडवावा व मॅट/टॉवेल/ताटा वर ठेववा. साधारण अर्ध्या मिनीटात पेपर नरम होईल.

५. त्यावर आता चित्रात दाखवल्याप्रमाणे कालवलेला भाताचा थर पसरावा. (थर फार जाड नको).
६. भाताच्या एका कडेवर (आपल्या बाजुला) गाजर + बीटाचे तुकडे पसरावेत.

७. आता कागदाची आपल्याकडची बाजु उचलुन ती गाजर + बीटावर ठेऊन एक गुंडाळी करावी.
८. गुंडाळलेल्या भागावरती चिरलेल सॅलॅड घालावे व आपल्या डाव्या आणि उजव्या बाजुच्या पेपरच्या कडा त्यावर दुमडाव्यात.

९. आता पेपर गुंडाळुन त्याचा रोल बनवावा.

१०. या रोलच्या दोन्ही बाजुचे दुमडलेले तुकडे कापुन घ्यावेत व मधल्या रोलचे १ इंच जाडीचे तुकडे करावेत. तुकडे करण्यासाठी सुरी कोमट पाण्यात बुडवुन घ्यावी म्हणजे दही चिकटणार नाही व काप नीट होतिल.

११. हे तयार तुकडे एका ताटात दमट (घट्ट पिळलेल्या) कपड्यावर ठेवावेत व वरुन परत एक दमट टॉवेल ठेवावा म्हणजे बाकीचे रोल्स होईपर्यंत भात कोरडा पडणार नाही.

मिंट डिपींग सॉस:

सर्व जिन्नस एकत्र करुन मिक्सरमधे चटणी करावी. थोडी पातळसरच अस्सवी म्हनजे सुशीला लावुन खाता येते.

आता ओरिगामी सुशी रोल्स, मिंट डिपींग सॉसबरोबर सर्व करावे.