मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
Submitted by द्वैत on 29 December, 2023 - 08:20
जरा लागताच डोळा
झाला काळोख बोलका
ओघळला नकळत
थेंब अश्रूचा पोरका
ओल्या वेदनेचे त्याच्या
मूळ हाताशी लागेना
काय झाकले मुठीत
खरे खोटे आकळेना
दुःख तुझे दुःख माझे
वाटे विभ्रमांचे धुके
रेंगाळती देहातून
आठवांचे श्वास मुके
खुळ्या व्यथांचे गाठोडे
आता उशाशी घेऊन
स्वप्न पाहतो उद्याचे
झाले गेले विसरून
द्वैत
विषय:
Groups audience:
Group content visibility:
Public - accessible to all site users
शेअर करा
अप्रतिम...
अप्रतिम...
वाह
वाह