मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
Submitted by द्वैत on 4 October, 2023 - 05:39
ही रात्र पसरली दूरदूर
अन उगवत नाही तारा
झाडांना उमगत नाही
वाऱ्याचा मूक ईशारा
वाटेवर लावून डोळे
घरट्यात जागते कोणी
वेशीच्यापार निघाले
हे कोण असे अनवाणी?
आशेवर कुठल्या जाणे
मिणमिणती कंदिलकाचा
या प्रहराच्या काठाशी
कोणीच नसे कोणाचा
अन अशाचवेळी कानी
घंटांचा पडतो नाद
निजलेल्या खोल दरीतून
ये हलकासा प्रतिसाद
द्वैत
विषय:
Groups audience:
Group content visibility:
Public - accessible to all site users
शेअर करा
वाह सुरेख!!
वाह सुरेख!! एकदम गूढरम्य पहाटेचे वातावरण.
सुरेख... सुरेख...
सुरेख... सुरेख...
आणि अपवादात्मक रित्या सकारात्मक...