वर्षाविहार २०१६: संयोजक हवेत आणि नवीन कल्पना कळवा

शुभेच्छा

कधी आलो नाही पण धागा वाचतो नेहमी.नंतर जाऊन आल्यावर निबंध लिहितात ( शाळेच्या सहलीनंतर लिहितात तसा ) काहीजण तोही आवडीने वाचतो.

मला यायला नक्की आवडेल. हा माझा पहीलाच ववि असेल.

दरवेळी पुण्या मुंबईला सोईचे पडेल असे ठिकाण निवडण्याऐवजी यंदा काहीतरी वेगळे करा.पावसात भिजायचे व रिसॉर्टला जेवन करुन परत यायचे हे आता कंटाळवाणे झाले आहे.
पुण्या मुंबैजवळ अनेक ट्रेक पॉईंट आहेत ,एखादा ट्रेक आयोजीत करा ,असे टेलरमेड ट्रेक आयोजित करुन देणार्या अनेक संस्था मुबै पुण्यात आहेत.ट्रेकची मजाही लुटता येईल,माबोकरांचा व्यायामही होईल,नेहमीच्याच ठिकाणची गर्दीही टाळता येईल.व खर्या निसर्गाचा आनंद लुटता येईल.फक्त वन डे ट्रीप करता येणार नाही,वन नाईट स्टे करावा लागेल.वविला शुभेच्छा.

अरे वा! आला का धागा??
नवीन लोकांचे स्वागत. लागा बघु तयारिला...

<दरवेळी पुण्या मुंबईला सोईचे पडेल असे ठिकाण निवडण्याऐवजी यंदा काहीतरी वेगळे करा.> म्हणजे काय करा ते डिट्टेल्वार लिवा.

येणारी मंडळी ही फक्त आणि फक्त पुणे ,मुंबईची असतात, त्यामुळे त्यांच्या सोयीचेच ठिकाण पहावे लागणार ना?

ववि आणि टी शर्ट संयोजन करायची इच्छा आहे यावर्षी ...

येणारी मंडळी ही फक्त आणि फक्त पुणे ,मुंबईची असतात,..

नाशिक कर ही येतील की..नक्की प्रयत्न करेन. पहिलीच ववि असेल

एक वर्ष मुंबई पुणे आणि नशिक करांना जमेल असा ववि चा स्पॉट ठरवला होता... पण त्यावर्षी कोणीही नाशिककर आले नाहीत.

केशव तुलसी
ओवर नाईट सोडा ... एक दिवसाच्या ववी ला येणार्‍यांची संख्या फार रोडावली आहे.

एक वर्ष मुंबई पुणे आणि नशिक करांना जमेल असा ववि चा स्पॉट ठरवला होता... पण त्यावर्षी कोणीही नाशिककर आले नाहीत.. ओके पन मी नक्की प्रयत्न करेन, जमल्यास येइनच..

ववितल्या आवडणार्या गोष्टी -
१. टी शर्ट साईज,डिझाईन , रंगावरून घडणार्या चर्चा
२. पैसे भरताना आणि टी शर्ट घ्यायला होणारे जीटीजी
३. ववि स्थळनिवडीपासून बस रूट पर्यंत माबोवरील प्रश्नोत्तरे आणि अगाध मार्गदर्शन
४. वविच्या जाहिराती
५. बसमधला दंगा
६. ववि मधले आयोजित आणि उत्स्फूर्त कार्यक्रम
७. ववि वृत्तांत
८. टी शर्ट आणि ववि शुल्कातला काही भाग सत्पात्री दान झाल्याची बातमी.
हे सगळं असताना ववि कुठेही असो, रिसाॅर्ट , खाणं कसंही असो, पाऊस पडो न पडो काहीही फरक पडत नाही. आपल्यासाठी काही लोक झटून सगळी उठाठेव करत असतात निरपेक्षपणे ही जाणीवच तुम्हाला कृतज्ञ करते.
मला मायबोली सगळ्यात जास्त गणेशोत्सवात आणि वविच्या दिवसांत आवडते.

हे सगळं असताना ववि कुठेही असो, रिसाॅर्ट , खाणं कसंही असो, पाऊस पडो न पडो काहीही फरक पडत नाही. आपल्यासाठी काही लोक झटून सगळी उठाठेव करत असतात निरपेक्षपणे ही जाणीवच तुम्हाला कृतज्ञ करते. स्मित
मला मायबोली सगळ्यात जास्त गणेशोत्सवात आणि वविच्या दिवसांत आवडते. >>>> आशुडी पटल अगदी. मी वविला आले नाही तरी ही . या वर्षी जमवणारच आहे पण.

ववि संयोजनात काम करायला आवडेल. आशूडी +१ जागा कुठलीही असो कल्ल्ला हा होतोच.

नजर ठेवून आहे याच्यावर...

व्वा भिडे..तुमचा उत्साह दांडगा आहे.. किप इट अप !!

आशू +१

या वर्षीच्या वविला मला मिस करा

ऑनलाईन काही मदत हवी असेल तर कळवा, मला मदत करायला आवडेल. बराचसा फ्री वेळ आहे माझ्याकडे सद्ध्या

मी आतापर्यंत कधी आले नाहीये, मायबोलीवर फार एक्टिव देखील नाहीये. पण ह्या निमित्ताने संयोजनात भाग घ्यायला आणि सक्रीय व्हायला नक्की आवडेल.

व्वा, मस्त! आशूडी +१.
यावर्षी घरगुती अडचणीमुळे संयोजनात कितपत भाग घेऊ शकेन याबद्दल शंका आहे. पण ववि होणार याचा आनंद जास्त आहे. नव्या ओळखी, जुजा माबोकरांच्या भेटीगाठी, अगाध चर्चासत्रे, वविचा दंगा, नंतर कितीतरी काळ रेंगाळणाऱ्या आठवणी हे सगळे 'चुकवू नये असे काही' सदरात येते. अगदी कोणालाही न ओळखणारे, स्वभावाने बुजरे किंवा शांत, मुळातच फारसे कोणात न मिसळणारे किंवा ठराविक लोकांतच मोकळेपणे वावरू शकणारे माबोकरही वविच्या उत्साहात आणि उधाणात आपल्या नेहमीच्या आवडीनिवडी बाजूला ठेवून सामील होताना पाहिलं आहे. मज्जा!!

तर लोकहो, जास्तीत जास्त प्रमाणांत वविला हजेरी लावा. बाकी धम्माल आपसूक घडून येईलच!

१. मुंबई पुणे रस्ता किंवा जवळपासचा भाग - एका वर्षाच्या कालावधीत या परिसरात नवी नवी पर्यटनस्थळे अशी कितीशी विकसित होणार... नेहमीच्या ठिकाणांपेक्षा काही वेगळे, नवे रिसॉर्ट किंवा पर्यटनस्थळे या भागात झाली असल्यास व बजेटात बसत असल्यास त्यांची माहिती मिळवून संयोजकांकडे जरूर ढकला.

२. थीम बेस्ड ववि ठेवू शकतो. त्यातल्या त्यात नाविन्य, वेगळेपण वगैरे वगैरे.

३. चॅरिटीसाठी कोणत्या संस्थेला ठरवायचे, कोणती संस्था फायनल करायची हे माबोवर वेगळ्या धाग्यावर मतदानाद्वारे ठरवण्यात यावे. सदर धाग्यात संस्था, नोंदणीकृत क्र, कशा संदर्भात व कोणासाठी काय काम करते, काय गरज आहे, मिळालेल्या निधीचा विनियोग कसा करू इच्छिते, वेबसाईट, संपर्क इ. तपशील असावेत म्हणजे मतदान करणे सोपे जाईल.

आशु डी ... एकदम सही ..

आशुडे, बेश्ट..

नविन लोक कोण कोण इच्छुक आहेत?

मी असेन. जिथे कमी तिथे आम्ही.

ववि संयोजनात काम करणे हा माझ्यासाठी पुर्ण वर्षाचा स्ट्रेस बर्स्टर असतो.

ववि च्या नियम अटी काय आहेत...लोकेशन साठी?
सातारा जवळ एक गाव आहे...
मागे कोयना धरणाच् पाणी ... भरपूर पवनचक्क्या... हिर्वगार...
ट्रेक पॉइंट आहे...गावाच नाव आहे 'काठी'
राहण्याची सोय होउ शकते...जेवणाचीही...कुठलेही हॉटेल उपलब्ध नाही...कौलारु घरे आहेत...
कॉंटॅक्ट मिळवून देऊ शकेन...कराड पासून ३५ किमी.

please count me in.

वविच्या लोकेशनसाठी सगळ्यांत मोठी अट.. पुणेकर आणि मुंबईकर सगळ्यांना प्रवासाच्या दृष्टीने मध्यवर्ती असावे.. साधारण तीन एक तासाचा प्रवास करुन तिथपर्यंत पोहोचता आले पाहिजे..

दक्शे कशात मोजायच तुला ?

अरे वा आला का वविचा धागा. मस्त

किलोतच मोज रे, नाहीतर टनात मोजशील.

ही ही ही, टनात तरी मावशील ना? :p

दक्षे, नक्की कशात मोजायचं.. मिली, सेंटी, डेसी, किलो, हेक्टो, डेको..