देठी-गाठी

अरे वा. मस्त वाटतेय देठी गाठी! अळूची पानं मिळवायला हवीत.

हा वेगळाच आहे अळूचा प्रकार. देठांच्या शीरा निघतील त्यानेच गाठी मारायच्या ना ?

ऋषींच्या भाजीत घालतात ना अश्या देठी/गाठी करून?
नुसत्या नव्हत्या खाल्ल्या. आता करून बघेन.

सिंडरेला
नाही नाही, पानाची वळकटी करायची अन त्याचीच गाठ घालायची . वड्यांचं अळू असेल तर जमत नाहीत. फिकट हिरव्या रंगाची , भाजीच्या अळूची कोवळी पानं हवीत. ( तसली पानं विकण्यावर या देशात बंदी असावी बहुतेक, जशी चुका, चाकवत, चवळी ( पाला ) या भाज्यांवर आहे _

अच्छा. इथे जी colocasia ची रोपे मिळतात त्यात खाण्याच्या अळूचा प्रकार असतो का ?

एशियन दुकानात अळूचे गड्डे मिळतात, ते लावायचे असे मैत्रिणीने सांगितले. तिने लावले होते उन्हाळ्यात, तिला विचारेन.
रेसिपी छान आहे. अश्या अजून द्या.

आजचा 'बी' खिताब कोणाला बरे द्यावा ?

शोभेचे अळू वेगळे - ते कोलोकेशिया नावाने मिळतात. कधी कधी हत्तीचे कान या नावाने पण मिळतात.

खायच्या अळूची पानं पटेल बंधू अन त्यांच्या व्यवसाय बंधूंकडे मिळतात. ती नेहेमी वड्या करण्याकरता चांगली अशी मिळतात. आमच्या पार्ल्यात भाजीच्या अळूची पानं वेगळी मिळायची अन वड्याच्या अळवाची वेगळी.
इथे निरस्तपादपे देशे या न्यायाने वडीच्या पानांचं फदफदे करतात लोक. पण त्या पानांच्या गाठी जमत नाहीत. अनेकदा प्रयत्न करून अनुभवांती आलेले शहाणपण...

आजचा 'बी' खिताब कोणाला बरे द्यावा ? >>> भाजीची पानं इथे कुठे मिळणार म्हणुन म्हंटले त्या कोलोकेशिया प्रकारात एखादा खाण्याचा प्रकार असतो का चौकशी करावी तशी आमच्या श्रीरामपूरात पण वड्यांची आणि भाजीची पाने वेगवेगळी मिळतात हो

इथे फ्रोझन वड्यांचे फदफदे करतात असे पण ऐकीवात आहे

गाठी नाहीत, पण वड्यांच्या अळूंची भाजी करता येते पानं आधी नुसती थोड्या तेलावर परतून घेतली तर. (मी केलेली नाही, पण ऐकलंय.)

वेगळाच प्रकार दिसतोय. शोन्य्य, इथल्या इंडियन स्टोअरची अळूची पानं चालतील का ग? तुला माहितेय असं दिसतंय.

माझी आजी अशीच भाजी करायची.. गाठी कशा मारायची ते कोणालाच माहीत नव्हते. पण त्या पुरचूंडीसारख्या दिसायच्या. गाठीच्या आधी पाने चुलीवर २-३ सेकंद नरम करुन घ्यायची बहुतेक. ती भाजी तिच्या एकाही सुनेने शिकुन घेतली नाही म्हणुन मी अजुनही खुप हळहळते.

ह्या कृतीबद्दल धन्यवाद. ह्या पद्धतीने करुन पाहिन.

एक शंका..

फोडणीत ताक घातले तर फुटत नाही का? की ताकाला थोडं बेसन लावून घालायचं?

कोंकणी मधे यालाच गंटी बुत्ती म्हणतात. खाली मी एक लिंक देतो आहे. त्यावर गेलात की सचित्र ही कृती तुम्हाला दिसेल. मी आणि माझी एक कोकंणी मैत्रीण आम्ही दोघांमिळून ही भाजी केली होती. पण का कुणास ठावूक माझी जिभ नंतर दिवसभर चरचर चरचर करत होती. बहुतेक नीट वाफवली गेली नसावी. विदर्भात अळूला चमकुरा म्हणतात.

बर खाली लिंक पहायला इसरू नका.
http://dalitoy.blogspot.com/2007/09/tere-panna-ganti-butti-colocasia-lea...

शोनू, माझ्या नावाचा किताब दिलास पण त्यामागचे उद्दीष्ट निदान मला तरी कळू दे

हा प्रकार छान लागतो. मी या गाठींच्या आत, भिजवलेली चण्याची डाळ, खोबरे वगैरे घालतो.

बी, अळू हे ९०% वेळा खाजरं असतं. त्यात काहीतरी आंबट पदार्थ घालून त्याची खाज नष्ट करतात. त्यामुळे अळूच्या कुठल्याही कृतीत काहीतरी आंबट पदार्थ असतोच असतो जसं की चिंच, आमसूल, आंबट दही वगैरे..

मंजे, अळूवडीत आंबट काय असतं? नसतं ना..

बी,

आम्ही अळूवडीत चिंच्-गूळ घालतो.... तांदूळाच्या पीठाच्या करायच्या असतील तर आंबट ढाण ताक घालतो.

मस्त भाजी!! कध्धी नव्हती ऐकली. नेमके इथल्या दुकानात आळु मिळत नाही. मिळाला की नक्की करून बघेन.

आळकुड्यांची एक भाजी बंगलोरला स्वयंपाक करणार्‍या बाईंकडून शिकले. आळकुड्या कुकरमधे शिजवून सोलून घ्यायच्या. ताटलीत हळद तिखट, मीठ, आमचूर पावडर, गरम मसाला, दाण्याचा कूट एकत्र कालवून एकेक आळकुडी ह्या मिश्रणत घोळून शॅलो फ्राय करायची. (कॅलरी कॉन्शस न होता खायची.)
..............
दादल्याच्या खर्चाच्या, लाल काळ्या मिर्च्यांचा, वर्‍हाडी हा ठेचा बाई मी कुटला, जाऊ नगा आज माझ्या वाटला!!!!

बी, चमकुरा नाही रे ते. चामकुरा बरं का.

ही टीपीकल कोकणी भाजी आहे. अगदी ऋषीची भाजी म्हणून गोवा-रत्नागीरीला फेमस. भाजीचाच अळू छान लागतो. वडीचा अळूची पाने चालु शकतात पण काहीतरी वेगळी चव लागते(मी दोन्ही खावून पाहीलेत.) खरे तर उपासाला नारळाच्या दूधात करतात ही भाजी. ताक काही काही जण टाकतात. नारळाच्या दूधात करून पहा. नारळचे दूध, एखादे कोकम्,एखादी हिरवी मिरची नी जिरे नी मस्तच लागते.

ते चुलीत थोडीसी पान गरम करून मग पटकन गाठ बसते. खोबरे नी बेसन वगैरे optional आहे जर ती उपासाला नसेल तर. पण मस्त प्रकार आहे.
बरीच वर्षे झाली खावून.

चायनीज मार्केटात अळूची भाजीची पाने मिळतात्.(इथे तरी) आता NJ चे माहीत नाही. वडीचा अळू ज्यास्त खजरा असतो. तसे दोन्ही अळूच खजरे म्हणून चिंचेच्या पाण्यात भिजवावी ती पाने नी मग गाठी माराव्या चुलीत किंचीत शेकून. नाहीतर सरळ तव्यावर शेकून गाठ मारावी.

छान

मस्त वाटतीय रेसीपी, गाठी कश्या करायच्या मला कळल्या नाहीत.
कोणी फोटो टाकेल का?

https://youtu.be/JVmUkhQMw5Y

दहा वर्शांनी धागा वर आला. मस्त वाटतेय भाजी.