लाल डबीतला पाच अवरणांखाली लपलेला मोती ?

Submitted by अवल on 28 December, 2011 - 09:18

परवा एक वेगळेच फळ पाहायला मिळाले. तळहाताच्या ओंजळीत मावेल इतके!

2_9.jpg1_8.jpg

मध्यातून हळूच उकलले अन

3_9.jpg

आणि पूर्ण उघडले

4_4.jpg

नाही मी नाही अ‍ॅरेंज केली द्राक्ष यात Happy निसर्गाची जादू पहा, फळाच्या टरफलाला ही काळी छोटी फळं लगडलीत.

ही सगळी छोटी फळं काढली तेव्हा हे टरफलही कित्ती सुंदर दिसले

5_1.jpg

त्यातले काळे छोटे फळ सोलले. वरचे हे लाल अवरण, त्याच्या आत काळे पांतळ साल, त्या आत पांढरे नाजूक साल, आतले काळे टणक अवरण, त्या आतले स्किन कलरचे पांतळ साल काढले अन, त्यातून निघाला हा मोती !

6_3.jpg

अन हा संपूर्ण सोललेला मोती !

8_1.jpg

माझी मैत्रीण कम मावशी जुनागडला गेल्या होत्या. तिथे त्यांना हे फळ दिसले. वेगळे म्हणून त्यांनी लगेच चौकशी केली. तेव्हा त्या फळवाल्याने हे पिस्त्याचे फळ आहे असे सांगितले. त्यांनी लगेच डझनभर खरेदी केली. आल्यावर आम्हा सगळ्यांना दाखवली. मी नेटवर सर्च केलं पण मला काही या फळाची माहिती सापडली नाही. पिस्त्याचे फळ नेटवरती खुपच वेगळे आढळले. कोणी माहिती द्याल का हे कसले फळ आहे ? चव मात्र अगदी पिस्त्यासारखीच आहे. अगदी थोडा फरक वाटतोय. पिस्ता अन काजू यांच्या मधली काहीशी. जागू, दिनेशदा आणि माहितगार प्लिज मदत करा ना .

गुलमोहर: 
प्रकाशचित्र
शेअर करा

आरती, किती छान,
निसर्गाचे असे कितीतरी अविष्कार आपल्याला माहितीही नसतात, पण हे पाहून फार मस्त वाट्लं
ती आतल्या फळांची अरेंजमेंट किती शिस्तबद्ध आहे.
वाह... Happy

Submitted by बागेश्री on 29 December, 2011 - 05:47

जंगली बदाम >>
तरीच! मला इतके दिवस वाटायचे की बदामाचे चिन्ह आणि खायचे बदाम किंवा झाडाला लागलेले बदाम यांचा काही संबंध असेल का? आज ती शंका फिटली. चौथ्या फोटोमधे आतली फळे वगळली तर बाहेरचा संपूर्ण आकार बदामासारखा दिसतो आहे आणि रंगही अगदी लाल! बदाम म्हणजे हृदय वगैरे ठीके पण मग या चिन्हाला मराठीत 'बदाम' हेच नाव का? एक कोडे सुटले. Happy धन्यवाद अवल, शांकली, केपी.

Submitted by आशूडी on 29 December, 2011 - 06:24

जंगली बदामच, पण फिटीडा वर्गातला म्हणजे अगदी घाणेरडा वास येणारा फुलोरा.
हा फुलोरा असतो देखणा मात्र.

पिस्त्याचे फळ वेगळे असते. आपण जो सालासकट पिस्ता बघतो त्यावर किरमिजी रंगाचे आवरण असते. ते अगदी पातळ असते आणि त्याला तशी चवही नसते. (मी इराणमधले ओले पिस्ते खाल्ले आहेत.)

Submitted by दिनेश. on 29 December, 2011 - 07:26

हो आमच्या घराजवळ आहे हे झाड. त्याच्या सुकलेल्या फांद्या उमललेल्या कवचासकट खाली पडतात त्या गोळा करून ठेवल्या आहेत. रंगवून डेकोरेशनला चांगल्या दिसतील.

Submitted by मामी on 29 December, 2011 - 09:06

कोकणात आणि गोव्यात ह्याला "हीर्यचे" झाड असे म्हणतात. फोफळि सारखीच दिसायला पण त्याचापेक्षा उंच आणि रुंद असे हे झाड असते.

Submitted by graceful on 29 December, 2011 - 09:21

हे बहुधा "गोलदारू" या नावाच्या. झाडाचे फळ असावे.

हिरव्याकंच डेरेदार दोन ते चार मजली झाडाला अशा फळांचे घोस लागतात. सुरूवातीला ही फळे हिरवी असतात. पिकत जातील तसतशी लाल आकर्षक रंगाची आणि रूपाची होतात.

Submitted by नरेंद्र गोळे on 29 December, 2011 - 10:13

अवलतै

हा दागिनाच आहे. या मोत्यांची माळ करायची. ती ठेवायसाठी डबी ऑलरेडी आहेच. कुठल्याही समारंभात मिरवण्यासाठी एकदम मस्त Light 1

Submitted by Kiran.. on 29 December, 2011 - 18:30

Pages