Archive through January 29, 2008

Hitguj » My Experience » समानता » Archive through January 29, 2008

« Previous Next »

Supermom
Tuesday, January 29, 2008 - 1:45 pm:

मला अचानक माझ्या मैत्रिणीच्या कॉलेजमधे झालेला परिसंवाद आठवला.

स्त्री श्रेष्ठ की पुरुष या सर्वांच्या आवडीच्या, जिव्हाळ्याच्या तरीही स्फ़ोटक विषयावर चर्चा चालली होती. दोन्ही बाजूंनी खूप मुद्दे मांडून झाले. शेवटी एक मुलगा उभा राहून म्हणाला, 'तुम्ही नोकर्‍या करत असाल, डॉक्टर, सर्जन, सारंकाही आमच्या बरोबरीने करत असाल, पण रात्री बेरात्री कामासाठी बाहेर जायची वेळ आली की जाऊ शकता का? नाही ना?'
यावर विरुद्ध बाजूची एक मुलगी उभी राहून ताडकन म्हणाली,
'हो, नाही जाऊ शकत आम्ही. पण का? तुम्ही पुरुष या जगात आहात म्हणून. तुम्ही नसतातच तर नक्कीच जाऊ शकलो असतो.'

tanyabedekar यांचे पोस्ट नक्कीच विचार करण्यासारखे आहे.

Divya
Tuesday, January 29, 2008 - 2:11 pm:

Well said Ajjuka, तुझ्या सगळ्याच पोस्ट खुप छान आणि मुद्देसुद आहेत. खरच पटल्या.
my 2 cents
माझ्या एका मैत्रीणीचा अनुभव लिहीते. मला वाटत मी हा अनुभव इथे पण लिहीलाय आधी. तिला चांगला जॉब होता. आणि माझी तिची अशीच एकदा भारतभेटीत गाठ पडली तेंव्हा कळल कि तीने जॉब सोडला. I was shocked. ती खुप करीयर ओरीयन्टेड आहे हे मला माहीत होत. मग तीने मला सांगीतल कि तीला स्वताला त्या दोन तीन महिन्याच्या बाळाला घरी टाकुन कामा वर जायला आवडेना म्हणुन. पण तिचा नवरा तिला ठरावीक रक्कम स्वताच्या पगारातुन कट करुन तिच्या अकाउंट मधे भरतो. जस कि जॉब करत नाही या गोष्टीच तिला कुठला न्युनगंड येउ नये म्हणुन.
अरे आदर्श पणा याला म्हणतात. तिने मला हे ही सांगीतले कि तो पैसा मी कुठेही काहीही खर्च करायला invest करायला मोकळी आहे. आणि तो मी देतो वैगरे अस तो चुकुन सुद्धा मला बोलुन दुखवत नाही.

काय हरकत आहे, ज्या बायका घरी बसतात त्यांना अशा प्रकारे त्यांच्या नवर्यांनी financial stability दिली तर मला तरी फ़ारच आवडल हे. नाही म्हणल तर घरी बसणार्या बाई मुळे डे केअर चा खरच वाचतो. बाकीपण बारीकसारीक खर्च ही आहेत. व्यवस्तित खाणपिण बनवता येत त्याला काहीच मोल नाही का.

इथुन पुढे पुर्णवेळ गृहीणींना नवर्यानेच पगार द्यावा, त्या काय मोलकरीण नाहीत. हो जरी संसार दोघांचा असला तरी त्यात एकाला जर अस फ़िलींग येत असेल तर ते ही बरोबर नाहीच. जर अस नवरा करणार असेल तर घरी बसुन मुलांचे संगोपन करायला कितीतरी जणी खुशीने तयार होतील.

आणि शेवटच मला स्वैपाक येत नाही हे खरच पुरुष कौतुकाने सांगतात, त्यात कसली आलीये मर्दानगी. मला स्वैपाक येतो पण रोज रोज सकाळ संध्याकाळ करायचा जाम कंटाळा येतो. भारतातल बरय दोन चार नोकर हाताखाली असले कि पटपट स्वैपाक होतो, नवीन नवीन करायचा उत्साह रहातो. इथे म्हणजे काय बोंबच आहे. माझ्या घरी सगळ्या स्वैपाकाला बाई होती त्यामुळे इथे स्वैपाक प्रकरण मला फ़ार जड जात.

बाकी एवढी माधुरी दिक्षीत पण तिला देखील इथे स्वैपाक करावा लागतो अस तीने एका interview मधे सांगीतले... नेनेंना किती येतो स्वैपाक विचारायला पाहीजे.

Dineshvs
Tuesday, January 29, 2008 - 3:40 pm:

Zakasrao
Tuesday, January 29, 2008 - 3:53 pm:

मी मोठ्ठ्या अभिमानानी त्याना सांगते I am homemaker >>>>>>>>>.
आता डोमेस्टिक इंजिनिअर म्हणायच :-)

Dhondopant
Tuesday, January 29, 2008 - 4:08 pm:

प्रतीकांची केली जाणारी पुजा किंवा लिंगपुजा त्याचप्रमाणे भ्रुमध्यात लावले जाणारे कुंकु यांचा यौगिक आणि तांत्रिक गोष्टींशी संबंध आहे असे मला वाटते. टीळा केवळ स्त्री नाही तर पुरुष ही लावतात. भारतीय वैदीक, योगविज्ञन, शरीरविज्ञान ई. ई. या सर्वांचा उहापोह केल्याशिवाय मालकी हक्क दाखवण्यासाठी स्त्रीयाना तिलक लावला जात असे हे म्हणणे पटत नाही.

भारतात.. ईतक्या गोष्टींचा विचार केला गेलेला आहे ईसवीसनापुर्वी... की त्या काळचे कींवा पुर्वीचे लोक केवळ या गोष्टीसाठी वरील गोष्टी करत असावेत आणि याची कारणे ईतकी सरळ असावीत असे आम्हास वाटत नाही.

Kedarjoshi
Tuesday, January 29, 2008 - 4:09 pm:

Manuswini
Tuesday, January 29, 2008 - 5:24 pm:

ह्म्म्म.. चांगले चाललेय. एका रात्रीत इतक्या पोस्ट्स.
आहेत खर्‍या काही विचार करायला लावणार्‍या. :-)

Arch
Tuesday, January 29, 2008 - 5:41 pm:

अरे वा! बरीच चर्चा झाली की.

माझा ४था मुद्दा - मी भारतात असताना, मुलिंनी दारू किंवा सिगरेट पिण्याच प्रमाण खूपच कमी होत किंवा नव्हतच म्हटल तरी चालेल. मग आता हे प्रमाण इतक का वाढल आहे? मुलांच्या बरोबर सगळ्या fields मध्ये उतरल्यामुळे इथेही आपण कमी नाही किंवा का करू नये म्हणून? हा माझ्या मनात आलेला एक विचार. त्यावर इतरांची मतं कळावीत हा हेतू.

तसच मुद्दा ५ बद्दल. आम्ही लहान असताना असे काही शब्द कोणाच्या तोंडातून निघाले की मोठ्ठ्यांकडून म्हटल जायच " हेच शिकलात का? " पण हल्ली सर्रास वापरले जातात आणि अभिमानाने सांगतातपण की " हो मी वापरते " आता ह्यात कौतुक काय आहे ते कळल नाही.

कपड्याच्या बाबतीत, मुलीने काही कपडे घतले तर ती tomboy होते पण मुलगा बायल्या होतो.

अज्जुका, तू costume designer आहेस म्हणून विचारते. हल्ली हिंदी सिनेमात पुरुषांना इतके घट्ट कपडे का घालतात? माझ्या इथल्या अमेरिकन मैत्रीणी हिंदी सिनेमा enjoy करतात पण इतके आनंदी कपडे का? ह्याच उत्तर मला देता येत नाही.

बर्‍याच वर्षांपूर्वी मी रामायणावर एका लिखिकेचा लेख वाचला होता. त्यात तिने रामायणाच निरुपण केल होतं

सीता रामाला म्हणते, " दुसर्‍या कोणाच्या शब्दावर विश्वास ठेऊन मला अग्निपरेक्षेला उतरवून तू माझा त्याग करणारा कोण? मीच तुझा त्याग करते " आणि ती भूमीत निघून गेली. मला हेच निरुपण पटल.

Manuswini
Tuesday, January 29, 2008 - 6:22 pm:

आर्च, चांगले केलेस विषय मांडलास. पण मला खरोखर एक मनात प्रश्ण येतो( pls sarcastically नाही विचारत आहे) की,

ह्या सर्व discussion चा फायदा आहे का?
आहे तर नक्की कोणाला?

कारण माझ्या मते इथे येणारी लिहिणारी बहुतेक जणे balanced आहेत असे वाटते / दिसते.
मग भरभरून आपली मते मांडल्यावर नक्की फायदा कोणाला होतो.

माझे म्हणशील तर आंनद वाटतो की काही जुनाट मते बदलली आहेत. काही गोष्टी Accept केल्या जात आहेत. हेच मला कळले.काही स्वतच्या गोष्टी कळतात.(काही बाबतीत विचांराचा दृष्टीकोण वगैरे).
पण नक्की कुठल्या maas ला फायदा होतो हे कळले नाही. इथे सुप्तपणे अजूनही स्त्री / पुरुष दुय्यम / उच्च ह्या विचारांची लोक आहेत का? काही कळायला मार्ग नाही.

(हसु नकां ह्या वरील प्रश्णावर).
btw वरील सितेचे निरूपण(नक्की अर्थ काय?) चांगले केले. रामाला हा हक्क कोणी दीला सितेची परेक्षा घ्यायला? कारण तो पती होता ही विचारधारणा. मग पतीला हा हक्क by default आहे मग त्याची परीक्षा कोण घेणार.

Antara
Tuesday, January 29, 2008 - 6:59 pm:

कुंकु लावल्यामुळे आपली उर्जे ही त्या जागी केंद्रीत होते, अष्ट्चक्रांपैकी ती एक जागा आहे यात रक्ताचा काही सबंध नसावा. कुंकातील रासायनीक गुणधर्म हे ती उर्ज़ा कंट्रोल करु शकतात असे योगशास्त्र सांगते.>>>>>>>>कुठल्याही घटनेमागचे सर्वात सोपे जे explaination असते तेच बहुतेक वेळा खरे असते. कुंकवाबद्दल हे वरचे विधान far streteched वाटते. मालकी हक्क हे सर्वात सोप्पे कारण कुणीतरी दिलेय ते खरे असावे. सबब,आता ही पद्धत सोयीप्रमाणे फ़्याशन प्रमाणे चालू ठेवा किंवा बन्द केली तरी हरकत नाही :-)

Tulip
Tuesday, January 29, 2008 - 7:11 pm:

अज्जुका well said .

छानच चाललीय चर्चा. सगळे घसीटलेलेच मुद्दे आहेत पण पुन्हा पुन्हा ते अजूनही मांडावे लागताहेत यावरुनच कळतय ते किती अजूनही महत्वाचे आणि दुर्लक्षित आहेत.
बर्‍याच वरती tanyabedekar ने मांडलेला भारतात स्त्रियांना बस मधे वेगळी जागा का ठेवावी लागतेचा मुद्दा आता सध्या मी दिल्लीमधे आहे तर इतका प्रचंड पटतोय. डेल्ही हाट मधे जाऊन आल्यापासून तर मला भारतात स्त्रियांसाठी वेगळा रस्ता सुद्धा ठेवावा असं वाटायला लागलय. समानता माय्फ़ूट. माफ़ कर डिजे पण all punjabis are b*****s in this matter . आमच्या मुंबईत रात्री दोन वाजता सुद्धा एकटीने टॅक्सीने यायचे दिवस पाहीलेत मी ती खरी समानता.
जेन्डरबायस्ड ऍटीट्युड आणि स्त्री म्हणजे स्त्रीचे शरीर हा ऍटीट्युड ज्या समाजतून अजून जात नाही तो समाज मग तो जगाच्या पाठीवर कुठेही असो (कुठेही नसावा बहुतेक पण दिल्लीमधे तर नाहीच नाही. ) समानता ह्या विषयावर बोलायला पण नालायक आहे.

बाकी तुमचे स्वयंपाक आणि घरकाम, लग्नानंतर नावे बदलणे, कुंकू लावणे आणि दारु सिग्रेटींचे मुद्दे एकोणीसाव्या शतकापासून एकविसाव्या शतकापर्यंत पुढे चालू ... हे पाहून चर्चा करण्याच्या पेशन्सची पण कमाल वाटतेय.

Sashal
Tuesday, January 29, 2008 - 7:36 pm:

सगळे मुद्दे वाचायचेत अजून, पण वरचं ट्युलिप चं post वाचलं आत्ता तर त्यावर एक comment ..

लग्नानंतर अगदी first name पासून नाव बदलणे, आणि ते ही फ़क्त मुलीने हे मलाही पटत नाही पण त्याबद्दल माझ्या मनात एक confusion आहे .. समजा एका मुलीने लग्न करून संसार थाटला, नाव न बदलता .. यथावकाश त्यांना मुलं झाली आणि सध्याच्या रुढ परंपरेप्रमाणे ती मुलं वडीलांचं last name लावणार .. म्हणजे घरात आई सोडली तर बाकी सगळ्यांच्या नावांमध्ये uniformity असेल पण आई मात्र odd (wo)man out होईल .. तर एक family म्हणून ही inconsistency मला थोडी खटकते .. ह्यावर 'जाणकारांचं'

काय मत?

Arch
Tuesday, January 29, 2008 - 8:01 pm:

सशल मलापण तुला पडणारा प्रश्ण पडतो. कारण लग्नानंतर नाव बदलल नाही तरी मुलगी वडिलांच नावच ठेवते मग तिच्या आईच्या नावाच काय? म्हणजे शेवटी पुरुषप्रधाना society वर बोलणारी मुलगी वेगळं असं काय दाखवते?

Tiu
Tuesday, January 29, 2008 - 8:10 pm:

बरेच मुद्दे मांडुन झालेत. अजुन एक समानतेचा मुद्दा...
लग्नानंतर मुलाचं नाव / आडनाव बदलत नाही तर मुलीचं का बदलावं?

आपण सगळे इथे हिरिरीने मुद्दे मांडतोय. पण प्रत्यक्षात आपल्याला करण्यासारखी एखादी गोष्ट असेल तर ती आपण करतो का?
उदाहरणार्थ, लग्न झाल्यावर आडनाव बदलणार नाही किंवा माहेरचं आडनाव सुद्धा लावेल असा आग्रह किती मुली मांडतात? किंवा असा आग्रह केल्यावर इथले किती पुरुष तयार होतील?

याबद्दल चर्चेत भाग घेणार्या (लग्न झालेल्या) ताई, मावशी, काकुंची मतं ऐकायला आवडतील!

Tiu
Tuesday, January 29, 2008 - 8:21 pm:

ड्राफ्ट केलं आणि पोस्टणार तेवढ्यात meeting reminder आली म्हणुन तसाच मिटिंगला पळालो. आल्यावर पोस्ट केली आणि बघितलं तर वरच्या दोन पोस्ट्स...

सेहवाग झाला माझा... Bad timing! :-(
neways, आता डिलिट करत नाही!

Kedarjoshi
Tuesday, January 29, 2008 - 8:50 pm:

वरील प्रश्न भारताच्याच काही भागात सोडवला गेला आहे. तिथे आडनाव वडिलांचे लावत नाहीत तर गावाचे नाव आडनाव म्हणुन वापरतात. ( केरळात अजुनही बर्याच जागी मातृसत्ताक पध्दत आहे). म्हणजे त्या काळीही तेथील लोकांना प्रश्न पडला व तो सोडवला देखील गेला.

आता थोडे लाईट

मग समानतेच्या नावी आता बायका गावाचे नाव लावु शकतात. जसे प्रज्ञा आता जोशी लावायाचा ऐवजी तिला खालील पर्याय आहेत.
१. नांदेड
२. पुणे
३. शिकागो.

काय सही आहे ना प्रज्ञा शिकागो. तिला सांगतोच फोन करुन.

दक्षिनेत गावाचे नाव दोघेही वापरतात पण त्यात परत एक फंडा आहे. मुलीचे स्वतचे आडनाव ( पक्षी गावाचे नाव) लग्न झाल्यावर परत बदलते व तिला मुलाचे गावाचे नाव काही भागात मिळते. मग ह्यावर परत काही तोडगा दिसत नाहीये. टियु ने म्हणल्या प्रमाने ह्या प्रश्नावर समस्त मायबोलीकरनीचे मत ऐकायला आवडेल.
स्त्रि मुक्ती असनार्या अमेरिकेत वा वेस्ट मध्ये सुध्दा लग्नानंतर अनेक मुलींना मी त्यांचे आडनाव बदलुन नवर्याचे आडनाव लावलेले पाहीले आहे. रादर हीच ईथली रुढ पध्दत आहे. समानता असल्यावर सुध्दा.

Arch
Tuesday, January 29, 2008 - 9:11 pm:

केदार, Venezuela मध्ये मुलगी आईच आडनाव लावते आणि मुलगा वडिलांच. छान आहे न प्रथा? म्हणजे आईवडिलांची आडनाव अगदी समांतर जातात

Maanus
Tuesday, January 29, 2008 - 9:16 pm:

काश फुलेंच्या मनात स्त्री शिक्षणाचा विचार आला नसता तर...

Asami
Tuesday, January 29, 2008 - 9:47 pm:

बाकी तुमचे स्वयंपाक आणि घरकाम, लग्नानंतर नावे बदलणे, कुंकू लावणे आणि दारु सिग्रेटींचे मुद्दे एकोणीसाव्या शतकापासून एकविसाव्या शतकापर्यंत पुढे चालू ... हे पाहून चर्चा करण्याच्या पेशन्सची पण कमाल वाटतेय. >> ह्याला म्हणतात सो सोनार कि और एक लोहार की

Kedarjoshi
Tuesday, January 29, 2008 - 10:25 pm:

थोड कन्फ्युजन झालेल दिसतय. मी कुंकू लावा अस कधीही म्हणालो नाही फक्त दिनेश व पंतांनी जे लिहीलय त्यावर मत व्यक्त केले आहे. कुंकू लावा नाहीतर नको त्यानी रिलेशन मध्ये काहीही फरक पडत नाही.

चोखंदळ ग्राहक
महाराष्ट्र धर्म वाढवावा
व्यक्तिपासून वल्लीपर्यंत
पांढर्‍यावरचे काळे
गावातल्या गावात
तंत्रलेल्या मंत्रबनात
आरोह अवरोह
शुभंकरोती कल्याणम्
विखुरलेले मोती

हितगुज दिवाळी अंक २००७