|
-हॆलो .. जोशी बोलताय का?
-बोलतोय खरा पण कुठले जोशी हवे आहेत?
-ते कविता वाले
-कविता वाले? अहो काय वडेवाले जोशी सारखं आहे की काय ?
-तेच हो कविता लिहीणारे वैभव जोशी
-हं.. बोला ! मीच तो , आपण?
--मी मॊडरेटर ...
-काय काय नावं निघालित ना आजकाल? तुमचे आईवडील मी माझा
वाचायचे का?
-ओ .. नाव नाही मी मायबोलीचा मॊडरेटर बोलतोय
-(उठून उभा रहात) ओ हो हो .. आधीच नाही का कळवायचं तुम्ही फोन
करणार आहात म्हणून . घरी थांबलो असतो
-अहो हा मोबाईल आहे ना?
-अरे हां ! विसरलोच . माफ करा बरं का. पण जरा विचित्रच आहे हे
-काय? विचित्र काय?
-नाही , मोबाईल च्या स्क्रीनवर लाल पाटी नाही आली आज.
-हां हां ते होय , तो मोड ऒफ़ आहे आज
-मग घेऊ का टाकून ?
-काय?
-चारोळ्या हो . धडाधड !
-नको नको . आधी ऐका
-वा वा ! तुम्ही पण का? ऐकवा ऐकवा !
-(हताश ) अहो चारोळी नाही . बोलणं ऐका
-अस्सं होय , मला वाटलं इतक्या वाचून आपोआप रिमिक्स तयार झालं की काय
-फोन अशासाठी केलाय की आजकाल आम्हाला खूप फोन येतायत .
-वा ! काय सुटसुटीत बोलता तुम्ही
-तुम्हाला गद्य समजतच नाही का? पूर्ण ऐकून घ्या आधी
-ओके ओके , बोला
-तर आजकाल आम्हाला खूप फोन, मेल्स येतात
-मला फॆनमेल्स येतात
-जोशी , प्लीज ! अश्याने बिल वाढेल . आयएसडी कॊल आहे
-सांगता काय? तिकडून बोलताय?किती नं चे मॊड तुम्ही?
-मी तीनतेरा
-म्हणजे?
-दिवसा तीन रात्री तेरा
-म्हणजे आमच्या दिवसा कुठला नं?
-ते मह्त्त्वाचं नाहिये हो .
-असं कसं म्हणता साहेब?आपल्या बाजूचे कुठले कळायला नको?
-जोशीSSS प्लीज ऐकून घ्या.
-ओके ओके . सॊरी ! (पण जाण्यापुर्वी 'बाजू' स्पष्ट केलीत तर...)
-हं. तर तुमच्याबध्दल तक्रारी वाढल्या आहेत.
-हो? तक्रारी? असं काय केलं मी?सांगा तरी तक्रारी
- एक का दोन , ऐका
१)तुम्ही कवितेच्या बीबीवर दादा , गिरी करता
-२)मूडी वागता
-३)ही एक स्पर्धा समजून कायम वि'जया' कडे लक्ष असतं
-४)बीबी चे बापू असल्यासारखं वावरता
-५)तुमची ही छपाई बघून लोकांना तुम्ही 'मुद्रा' राक्षस वाटताय
-६)दिवसातून कितीतरी वेळा लोकांना कवितेचा 'प्रसाद' देता
किती सांगू ..
- ह्या सगळ्या तक्रारींच्या मेल्स निनावी असणार
-प्रश्ण तो नाहिये . आम्हाला ह्यात तथ्य आढळलंय आणि त्याचं कारण ही शोधलंय आम्ही.
-काय सांगता? म्हणजे... सांगता का कारण?
-हं. तर कारण आहे तुमचा कविता पोस्ट करण्याचा सपाटा
-हे? हे कारण?
-हो हेच कारण
-मग तुम्ही ह्यावर उपायही शोधला असेलच
-अर्थात.फोन करायचं कारण तेच आहे
-ते? मग इतका वेळ काय बोललो आपण?
-अहो , म्हणजे हे सगळंच मह्त्त्वाचं आहे
-ओके . बोला.
-तुम्हाला एक वाहता बीबी दिला जाईल. सेपरेट. तिथे तुम्ही
पोस्ट करायच्या कविता.
-काSSSSSSSSSSSय? अहो..
-ऐकून घ्या. तुमच्या कविता जनरली लांबलचक असल्याने तुम्ही
पोस्ट केल्याकेल्या एका प्रतिक्रियेपुरता वेळ देण्यात येइल. मग
गाडी पुढे सरकेल.
-म्हणजे?
-म्हणजे कविता वाहून जाईल. प्रतिक्रिया राहील. इतरांना ती वाचून
प्रतिक्रिया देता यावी म्हणून.
-ओ मॊड. हे काय काढलंय. हा अन्याय आहे.
-अन्याय काय त्यात. आम्ही तुम्हाला स्पेशल जागा देत आहोत.
-अहो पण प्रतिक्रिया वाचून काय लिहीणार लोक?
-का? जनरली तसंच घडतं. पूर्ण कविता कोण वाचत बसतंय?
-मला काही सुचेनासं झालंय.
-काय सांगता? मग ठीकच झालं. हे कष्ट वाचले आमचे.
-अहो सुचेनासं म्हणजे बोलायला सुचेनासं.
-ओह ! असं होय. मी किती खुश झाले होते.
-झालेSSSSSS होतेSSSSSS? बाई, माणूस?
-हो. दोन्ही. आवाज मोड्युलेट केलाय. आम्हाला गुप्तता
पाळावी लागते.
- अगम्य, अतर्क्य घडते आहे
-हे पद्य आहे की गद्य?
-गद्यच हो. असं काय विचारताय?
-नाही. बोलायचं की ऐकून सोडून द्यायचं कळायला नको?
-बोला बोला म्हणजे बोलून घ्या. तुमचे दिवस आहेत आणि हो तुमच्याच रात्री
पण आहेत. काय हो? एक प्रश्ण विचारू का?
-लवकर. बिल वाढतंय.
-असू द्या हो . पहिल्यांदातर बोलतोय आपण.काय हो , तुम्ही असं
रात्रंदिवस पडीक असता. मSSSSSSSSSग भागतं कसं?
- तुम्हाला कशाला हव्या आहेत चांभारचौकशा?
-अहो असं चिडताय काय? काळजी वाटली. शेवटी आपण फ़ॆमिलीमेंबर ना
-असो ते मह्त्त्वाचं नाहिये. तर मी जे काही सांगतोय ...
-सांगतोय? अहो इतका वेळ कुणीतरी सांगत होती. गोची आहे.
तुम्ही कोण आता? सात बारा का?
-अहो मी तीन तेराच आहे.विसरले होते की तुम्हाला कळलंय ते.
-तुम्हाला खरं सांगू का? तुम्हाला ही गुप्तता जमत नाही. लोकांना
स्टोर्वी...आपलं स्टोरी कळून जाते
-एक मिन. तुम्ही आत्ता काय नाव घेतलंत?
-नाव? अहो नाव नाही काही. लोकांना खरी गोष्ट कळून जाते
इतकंच म्हणालो मी.
-हुश्श ! घाबरलो मी.
-घाबरलो ! आता हे परस्पर पंच्चावन्न कधी झालं?
-शट अप ! धिस एंट फनी.
-एंट? यूरेका SSSS आपलं यू.एस का?
-हं. तुम्ही कवीपण आणि हुशार पण असं कसं?
-असू शकतं की. तुम्ही नाही का ? तीन पण आणि तेरा पण?
बाईपण आणि बुवापण?
-बाई गं ! अवघड आहे बुवा !
-आयला तुम्हाला कसं कळलं?
-आता काSSSSSSSSSय?
-माझं लाडाचं नाव बुवा आहे ते?
-मला कुठे कळलं? मी सहज म्हणालो ले , ली , लं , लः
-लू
- प्लीSSSSSSज जाऊन या. त्यात सांगायचं काय
-नाही नाही. ते ल च्या बाराखडीतलं राहिलेलं...
-देवा
-त्याची पण आली का तक्रार?भेटू दे कोथरुड्वर , गज़लनेच मारतो
-नो नो. तुम्ही अशक्य आहात.
-आता तुमच्यापासून काय लपून राहिलंय. माझाच हा पण आय डी..
-अय्या ! सॊरी , आयला ! मरू दे ..अय्याच ! अहो मी आयडी चं
काही बोललेच नाही.
-अरेच्च्या ! असं झालं होय. मी तेच म्हणणार होतो "माझाच हा पण
आयडी ह्याचा काय पुरावा आहे?
- व्हेरी क्लेव्हर
-हा नाही. इंग्लिश नाही आवडत मला.
-अशक्य जोशी ,मूळ मुद्दा बाजूलाच राहिला
-ओ बाई/साहेब , ऐका ना, असं नका करू . मी असं करू का?
तासाला एकच टाकेन कविता.
-नो म्हणजे नॊट.आमचा निर्णय झालेला आहे.
-ठीक आहे . निर्णय झालाच म्हटल्यावर मी काय बोलणार?
--------
-------
------
-हॆलो ... जोशी का?
-हो आपण?
-मी एक नं मॊडरेटर
-हो का? तुमच्यात पण असते का मॊडरेटर चॊईसची स्पर्धा?
-नो. नो. मी मॊडरेटर नं एक.
-काय हो?म्हणजे तुम्ही खरे डेव्हिड धवन का?
-विनोद !!!
-काहीतरी लोच्या आहे लाईनमध्ये. अहोSSSS,डेव्हिडSSSSS.
विनोद नाही.
- अल अत्र हुल्ल हुश्शे हबीबी
- आयला ! तिकडून बोलताय ? मग तर पत्ताच नाही लागणार कुणी बुरखा घेतलाय ते
पण एक सांगा. ह्या कानात ज्या गोळ्या घुसल्या त्याचा अर्थ काय?
-म्हणजे चुप बसा आणि ऐका नाहीतर...
-
-
-जोशी , ओ जोशी
-फुस्स
-जोशीSSSSS बोला ! नाहीतर..
- हे बरंय. दोन्हीकडून.. ओह ! म्हणूनच मला मॊडच्या पोस्टची ऒफर येत
नाही होय !
-अजून बरेच क्रायटेरियाज आहेत.
-उदा?
-तुम्ही भारत सोडायला तयार आहात का?
-नाही. भारत माझा देश आहे ...
-मग विषय मिटला.
-तुमची प्रतिद्न्या वेगळी आहे.
- तसं समजा. आणि ऐकाSSSSSSS.
-लावणी आहे? फक्कड रे !टिण टिण टिण टिण ,टिणटिण टिणटिण
-अहो तसं ऐका नाही , नुसतं ऐका
-हे जरा जाचक होतंय असं वाटत नाही? असं बोला, तसं ऐका
इथे लिहा , तिथे लिहू नका. तुम्ही जी यु आय बेस्ड का वागत नाही?
युजर फ्रेंडली?
-ओके. मेरे भाई ...
-एक मिन. तुम्ही ती असाल तर असं म्हणू नका आणि तो असाल
तरीही असं घाबरवू नका
-तुमचे कविता बीबी वरचे हक्क आधीच काढून घेतले आहेत आणि आता
नव्या नियमाप्रमाणे सर्व वाहते बीबी बंद करायचे ठरले आहे त्यामुळे ह्यापुढे
तुम्ही दुसरीकडे काळं करा. इतकंच सांगायला आलो , ली . हुश्श दम्लं
शब्द संप्लं.
- हे शेवटचं कळालं नाही.
-ते महत्त्वाचं नाहिये.
-भाई बहन माता पिता पुत्र पुत्री , तुम्हा सर्वांचं मिळून मला हे रेगिस्तान..
आपलं कारस्थान वाटतंय, नव्हे खात्रीच आहे
-कसलं कारस्थान? काय बोलताय काय तुम्ही
-नक्की. माझा असा अंदाज आहे की आता जे कविता बीबी वर वावरतायत
ते सगळे तुमचेच आयडी आहेत. तुमच्या कविता टाकायला हव्या म्हणून
तुम्ही माझा काटा काढलात. अरे हो , नक्की , असंच ....
परवा मी एक उजवीकडून डावीकडे लिहीलेली कविता पाहिली
तुमचीच असणार ती.
-मि. जोशी.
?
-मला तीन तेरा ने सावध केलंच होतं तुमच्या कल्पना अचाट असतात
म्हणून . असो. जाण्यापुर्वी एखादी कविता ऐकवा. पण छोटी. वेळ नाहिये.
- वा वा ! नक्की. ऐका.
"अन मग तुझ्यासोबतच्या
एका क्षणांत एक एक आयुष्य जगताना
विसर पडत जातो
आयुष्य क्षणभंगूर असल्याचा ..."
-वा ! मस्त आहे. पण असा विसर पडू देऊ नका
-???
-एक मिन. मी दुसरया फोनवर बोलतोय. हॆलो? सातच्या आत घरात?
एक्का बोलतोय. तीनतेराचा अंदाज खरा निघालाय. कळलंय त्याला
कारस्थान. तू आहेस ना तिथे? उडव.
-अहो एक , दोन , तीन , चार , शंभर...
-भरली रे जोश्या , शंभरी भरली. क्षणभंगूSSSSSSSर, हा हा हा
ढिच्क्यांव .
डन ...
|
Moodi
| |
| | Wednesday, April 19, 2006 - 9:37 am: | 
| 
|
वैभव ssssss 
मला कशाला मध्ये घेतलरे? घेतले ते घेतले अन जाम तीन तेरा चार बारा वाजवुन सात बाराचा उतारा दिला.. 
|
Ninavi
| |
| | Wednesday, April 19, 2006 - 10:30 am: |
|
|
वैभव, मस्तच... ... ... 
|
वैभव.... काय म्हणु तुला...
|
Milindaa
| |
| | Wednesday, April 19, 2006 - 11:00 am: |
|
|
मला यात शब्दच्छलच जास्त दिसला. थोडीफार करमणूक झाली हे ही खरं.
|
Anilbhai
| |
| | Wednesday, April 19, 2006 - 3:05 pm: |
|
|
अय्या, I mean च्यायला, अपुनके साथ पंगा?. व्ह्याय भौ? I mean वैभव, ये दुश्मनी बहोत महंगी पडेगी 
|
बस क्या अनिल्भाय !!! बच्चेने मजाक किया तो कायकू डरा रहे हो .
मेरेकू इधर वावरना मुश्किल होयेगा . अकेले को खिंड में मत गाठो हां ...
|
वैभवा,जबरी रे भो.. आवडलं आपल्याला
|
Devdattag
| |
| | Wednesday, April 19, 2006 - 11:58 pm: |
|
|
वैभव.... माझी तक्रार नाही रे काही..
|
Kandapohe
| |
| | Thursday, April 20, 2006 - 1:33 am: |
|
|
शब्दच्छल नव्हे रे भावु (मिलींद) शब्द वैभव म्हण. क्लिपआर्ट (नाक पुसत असलेला कांदा)
|
Psg
| |
| | Thursday, April 20, 2006 - 1:45 am: |
|
|
अरे काय गोंधळ घातलाय एकट्यानीच!!! 
|
Cool
| |
| | Thursday, April 20, 2006 - 8:11 am: |
|
|
कवितावाले जोशी
वैभव सहीच
|
वैभव
म्हणजे कविता बीबीनंतर आता विनोदी साहित्यावर स्वारी का?
झकास जमलंय.
|
Maudee
| |
| | Thursday, April 20, 2006 - 9:01 am: |
|
|
सगळ्यान्चे reply वाचून मला खूप उत्सुकता आहे हे नक्की काय लिहिले आहे त्याची. माझ्या इथे font नीट दिसत नाहीये. कोणी brief करु शकेल का?
|
Prajaktad
| |
| | Thursday, April 20, 2006 - 2:28 pm: |
|
|
वैभवा! एकदम झक्कास बर का!
मूडे!तुला इतक्या चांगल्या स्माईली कुठुन मिळतात?.
|
वैभव काय रे <\ clipart{office madhlya cube madhe aavaj na karta khadakhada hastoy}
|
Giriraj
| |
| | Friday, April 21, 2006 - 1:36 am: |
|
|
काय रे,इतके दिवस कविता पाडायचे software होते आता गद्या लिहायचेही develop केलेले दिसते तू तर!
तू ऑफ़िसात नसतांना उडवतो बघ ते s/w आता मी!
|
अरे गिरया तुला आठवत नाहिये का ? मागच्या आठवड्यात तू स्वतःसाठी दोन चार कविता बनवून घेऊन गेलास
तेव्हापासून ते s/w करप्ट झालंय ... घाबरू नकोस आता .
|
वैभवभाई. सही है भिडु बोले तो एकदम झक्कास्SSSS
|
Jo_s
| |
| | Friday, April 21, 2006 - 4:58 am: |
|
|
-हॆलो .. कवितावाले जोशी बोलताय का?
-हो, तुम्ही कोण
-मी? त्याच्याशी तुम्हाला काय करायचय?
-अरे व्वा, माझी शंभरी भरवता तेही शेवटची इच्छा न विचारता. आता सगळे मोड्युलेटेड आवाज ओळखतो मी. तुम. . .
-हो मग, तुम्ही परत कविता पोस्ट करायची इच्छा व्यक्त केलीत तर.
-मग आता सुटलात अस वाटल की काय. आता अतृप्त कविता सॉरी इच्छा पुर्ण करायला येणारच. आता नुसत्या कविताच नाही गद्यही. एक नमुना बघीतलाच आहे वरती. .. . .
-(स्वगत बापरे आता आॅन्टी वैभव पाॅकेज टाकाव लागणार)
दिवे घ्यारे भो
वैभव लै खास.
जोशी सॉरी सुधीर सॉरी
|
|
|