शाहरुख खान

डर सिनेमातल्या शाहरुखशी जर जुहीने लग्न केलं असतं तर काय झालं असतं ? लहानपणी तो सिनेमा पाहताना वाटायचं की जर जुहीने त्याच्या प्रेमाला प्रतिसाद दिला असता तर तो सुधारला असता , तिच्याशी प्रेमाने वागला असता , दोघे एकमेकांबरोबर सुखी झाले असते ... अर्थात त्याचं वागणं चूक आहे , तिच्या व्यक्तीस्वातंत्र्याचा गळा घोटणं आहे आणि त्याला स्वीकारायला ती अजिबात बांधील नाही , वगैरे सगळं कळायचं ... पण शाहरुखमुळे त्या पात्राबद्दल सहानुभूती वाटायची ...

तो नाहीच आवडला कधी मग फारसा …. प्रयत्न करूनही.

ते दिवस फार स्वप्नील होते. माधुरी दीक्षित, श्रीदेवी आणि जुही चावलाच्या निस्सीम प्रेमात होते मी. त्याकाळात थेटर मध्ये वगैरे जाउन फारसे पिक्चर पहिले जात नव्हते पण ते टीव्ही वर आले कि मग मात्र नाहीच सोडायचे. अश्यात श्रीदेवी चा 'चालबाज', 'चांदणी' 'मि. इंडिया', 'लम्हे' … जुहीचा 'इश्क','हम है राही प्यार के' आणि माधुरीचा … चा नाहीच तिचे तर अनेक 'साजन', 'हम आपके है कौन' 'दिल' 'बेटा' असे बरेच ….