Submitted by इस्रो on 21 September, 2020 - 07:15
(ओळीसाठी श्री. भूषण कटककर "बेफिकीर" यांचे आभार)
जाचक रूढी प्रथांना, सोडायला नको का ?
काळानुसार आपण, बदलायला नको का ?
जर का समान असती, सारी मुले मुली तर
घरकाम मुलासही, शिकवायला नको का ?
म्हणशील रे कितीदा ? नुसतेच "येस सर" तू
अपुले विचार तूही, मांडायला नको का ?
आहे करायचे जर, शांघाय मुंबईचे
रस्त्यावरील खड्डे, बुजवायला नको को ?
चरख्याजवळ बसूनी, अभिनय उगा कशाला ?
गांधी विचार अंगी, बाणायला नको का ?
- नाहिद नालबन्द 'इसरो'
विषय:
Groups audience:
Group content visibility:
Use group defaults
शेअर करा
