|
'जगु' यांच्या विनन्तीवरून
|
Jagu
| |
| | Monday, April 02, 2007 - 8:05 am: | 
| 
|
एकदा फ़ळ भाज्यांची सभा भरली
प्रत्येकाने आप-आपली स्तुती गायली
काकडी म्हणाली,
मी कधी सरळ कधी वाकडी
सगळ्यांत थंड आहे मी एकटी
गाजर म्हणाला,
रंग माझा सगळ्यांत सुंदर
माझ्यामुळे स्वच्छ होते नजर
बिट म्हणाला,
भोवर्‍याच्या आकाराचा मी बिट
माझ्यामुळे राहतात सगळे फ़िट
टोमटो म्हणाले,
माझा रंग आहे लालेलाल
माझ्यामुळे होतात गुलाबी गाल
कांदा म्हणाला,
मी आहे जरासा तिखट
खाउन मला चव जाते फ़िकट
मुळा म्हणाला,
माझा रंग स्वच्छ, सफ़ेद
मला खाताना कसला खेद?
सगळ्यांची मग गट्टी झाली
कोशिंबीर नावाची टिम त्यांनी केली.
|
Jagu
| |
| | Monday, April 09, 2007 - 8:03 am: |
|
|
आकाशातली यात्रा
एकदा एक परी
आली माझ्या घरी
सोबत मला घेऊन
वर उडू लागली
मऊ मऊ ढगांमधून
वाट काढू लागली
तिने आमची स्वारी
मग आकाशात नेली
चांदण्यांची सार्‍या तिथे
एकच गर्दी झाली
चमचम करुन त्यांनी
सुंदर रोषणाई केली
खेळ आपण खेळू
अशी विनवणी केली
आमची लपाछपी मग
तेथे सुरु झाली
खेळता खेळता तेथे
आली चांदोबाची स्वारी
पाहून त्याने मला
जादू एक केली
चाॅकलेट, आइस्क्रीम, खाऊची
रांग तेथे लावली
खाऊ मला भरवायला
सुंदर परी आली
खाऊन सुस्त होताच
मला मांडीवर झोपविली
थोड्याच वेळात तेथे
पावसाची सर आली
ढगांच्या गडगडाटाने
माझी घाबरगुंडी उडाली
जाग येताच पाहिले तर
आईच्या मी कुशित झोपली
|
Mahesh
| |
| | Wednesday, April 11, 2007 - 5:43 am: |
|
|
मंगेश पाडगावकरांची एक कविता आठवली,
जेवढी आठवत आहे तेवढी लिहित आहे.
कवितेचे नाव आहे बिचारी चिमणी
एक होता पोपट
तो चिमणीला म्हणाला
तू मला थोपट
एक होते बदक
ते चिमणीला म्हणाले
दे मला मोदक
एक होती घूस
ती चिमणीला म्हणाली
तू माझे अंग पूस
एक होते कासव
ते चिमणीला म्हणाले
तू मला चड्डी नेसव
|
Runi
| |
| | Wednesday, April 11, 2007 - 7:51 pm: |
|
|
महेश या कवितेचे अजुन १-२ कडवी मला येतात
ती अशी आहेत
एक होता काऊ
तो चिमणीला म्हणाला
तु मला घाल न्हाऊ
एक होती घार
तिने चिमणीला विचारले
तुझे नाव काय
|
Jagu
| |
| | Thursday, April 12, 2007 - 5:16 am: |
|
|
इथे स्वत्: लिहिलेल्या कविता पोस्ट करायच्या आहेत.
|
|
|