Mbhure
| |
| | Friday, May 30, 2008 - 3:24 pm: | 
| 
|
ढमा ढम ढोल तो
ढमा ढम वाजवी
नाचतो डोंबारी गं नाचतो डोंबारी
बाः उद्याच्या पोटाची काळजी कश्याला
आभाळ पांघरू, दगड उशाला
गाळूनी घाम कसा, मागूया भाकरी . १
कृः पोळातली नार मी, रंग माझा बैंगणी
उर होई खालीवर, खुरट माझी ठेंगणी
जवानीनं सोडली रं रानफुल डोंगरी .. २
सुः वीसावं वरीस, आलया भराला
भिंगाची चोळी गं, दाटते उराला
सोन्याच बाण कसा शंभर नंबरी ... ३
कृः हातामध्ये घेतली आडवी किवाटी
तारेवरी डोलतं नाचतो कोलाटी
माणसं झाली गं कावरीबावरी .... ४
सुः गोलाटी अंगाची वाकली कमान
गोलांटी मारतो गिरक्या घेऊन
करती कवतुक शेजारी पाजारी ..... ५
कृः काठी भली लांबडी दाताने धरीतो
वार्यावर भोऊनी(?) रिंगण घालीतो
चढुनी उतरीतो पायरी पायरी ...... ६
बाः जात अशी रांगडी, भोळी तशी भाबडी
भल्यासंग भली रं, बुर्यासंग वाकडी
पायाला आमच्या बांधली भिंगरी ....... ७
नाचतो डोंबारी गं नाचतो डोंबारी
ढमा ढम ढोल तो
ढमा ढम वाजवी
नाचतो डोंबारी गं नाचतो डोंबारी
चित्रपट केला इशारा जाता जाता
गायक-गायिकाः बाळकराम, सुलोचना चव्हाण, कृष्णा कल्ले
संगीत राम कदम
गीत्कार जगदिश खेबुडकर
|
