Thread	Posts	Last Post
	Archive through February 19, 2007	20	02-19-07  8:14 am
	Archive through February 20, 2007	20	02-20-07  3:30 am
	Archive through February 21, 2007	20	02-21-07  12:26 am
	Archive through February 21, 2007	20	02-21-07  6:27 am
	Archive through February 22, 2007	20	02-22-07  10:09 pm
	Archive through February 25, 2007	20	02-25-07  5:16 am
	Archive through March 01, 2007	20	03-01-07  9:31 am
	Archive through March 05, 2007	20	03-05-07  11:14 pm
	Archive through March 08, 2007	20	03-08-07  4:43 am
	Archive through March 09, 2007	20	03-09-07  4:49 am
	Archive through March 12, 2007	20	03-12-07  6:05 am
	Archive through March 13, 2007	20	03-13-07  2:15 pm

Mrunatul Wednesday, March 14, 2007 - 3:11 am:      नाते तुझे माझे नाते तुझे माझे, मैत्रीचे, प्रेमाचे, विश्वासाचे, काही न बोलता खूप काही सांगणारे, शब्दांच्या पलिकडे जाणारे, हसत हसत रडवणारे, रडता रडता खेळवणारे, प्रत्यक्ष न भेटून ही रोज रोज भेटणारे, निस्वार्थपणा टिकवणारे, नाते तुझे माझे, एक दुवा, एक आशिर्वाद, एक ऋणानुबंध

Shree_tirthe Wednesday, March 14, 2007 - 3:51 am:      मृनालीनि ताई मायबोलीवर स्वागत आहे. मायबोलीवरची पहलीच कविता छान जमलीय. तुमच्या भावी कवितांसाठी शुभेच्छा.

Neelkantee Wednesday, March 14, 2007 - 2:25 pm:      मृणाल, छानंच लिहिलं आहेस!

Ganesh_kulkarni Thursday, March 15, 2007 - 2:17 am:      वाटतं पडतो पाऊस! तुझं हसणं,तुझं बोलणं तू हसता,बोलता... वाटतं पडतो पाऊस!||१|| तुझं रुसणं,तुझं रागावणं तू रुसता,रागावता... वाटतं पडतो पाऊस!||२|| तुझं फुलणं,तुझं बहरणं तू फुलता,बहारता... वाटतं पडतो पाऊस!||३|| तुझं येणं,तुझं जाणं तू येता, जाता... वाटतं पडतो पाऊस!||४|| तुझं असणं,तुझं नसणं तू असता.. नसता... वाटतं पडतो पाऊस!||५|| गणेश(समीप)

Vaibhav_joshi Thursday, March 15, 2007 - 4:16 am:      प्रिय मित्रांनो गज़ल कार्यशाळेला मिळालेल्या उत्स्फूर्त प्रतिसादामुळे प्रेरित होऊन फक्त मराठी गज़लसाठी वाहिलेले एखादे संकेतस्थळ का असू नये असा विचार डोक्यात आला आणि www.marathigazal.com ची निर्मिती झाली . गुरुवर्य सुरेश भट यांच्या स्मृतीदिनी म्हणजे काल ह्या संकेतथळाचं प्रकाशन करायचं ठरलं तेव्हा हाताशी फक्त ४ दिवस होते . पण प्रसाद शिरगावंकर याने रात्रंदिवस मेहनत घेऊन मुहूर्त साधला आणि काल सुरेश भटांना गुरुदक्षिणा म्हणून ह्या संकेतस्थळाचे प्रकाशन झाले . www.marathigazal.com वर सुरेश भटांनी लिहीलेली गज़लेची बाराखडी प्रकाशित कराण्याची परवानगी श्री चित्तरंजन भट यांनी दिल्याने नवोदित गज़लकारांना मदत होण्यास प्रचंड हातभार लागणार आहे . मायबोलीशी असलेली बांधिलकी अबाधित राखत केवळ मराठी गज़ल साठी काहीतरी करावे या हेतूने प्रेरित होवून सुरू केलेल्या या संकेतस्थळाला सर्व मायबोलीकर , मॉडरेटर्स व मा. ऍडमिन यांना भेट देण्याचे व परिवार सदस्य होण्याचे आग्रहाचे आमंत्रण प्रसाद शिरगांवकर वैभव जोशी व www.marathigazal.com टीम

Mrunatul Thursday, March 15, 2007 - 5:02 am:      या आयुष्याच्या प्रवासात अनेक माणसं भेटतात काही आपल्याला साथ देतात,काही सांडून जातात काही दोन पावलेच चालतात, आणि कायमची लक्षात राहतात, काही आयुष्यभर साथ देण्याची हमी देऊन, गर्दीत हरवून जातात. नाती जपता जपता, तुटणार, कुणीतरी दूर जाणार, नवीन नाती जुळत राहणार आयुष्य म्हटले तर, हा प्रवाह असाच चालत राहणार कुणी दूर गेले तर जगणे थांबवता येत नाही ह्या अथांग सागरात एकटेच पोहता येत नाही!!!

Mayurlankeshwar Thursday, March 15, 2007 - 5:56 am:      मृणाल चांगला प्रयत्न आहे. काही आपल्याला साथ देतात,काही सांडून जातात ... इथे 'सांडून' च्या जागी 'सोडून' अभिप्रेत आहे काय? 'माणसं सांडणं' हे कसंसच वाटलं बाकी छान. गणेश... पाऊस पडल्यासारखं वाटलं

Kashi Thursday, March 15, 2007 - 6:53 am:      vaibhavji & prasadji aabhinandan....!!!!!!

Devdattag Friday, March 16, 2007 - 12:04 am:      काहि कळत नाही, ही ओढ कशाची? त्या आगळ्या वेगळ्या शय्येची? का चंदनाच्या सुगंधाची? तिकडे काय आहे हे पाहण्याची? का इथे पाहिलेले विसरून जाण्याची? त्या तप्त राखेची? का त्या पापं धुवून टाकणार्‍या, शीतल गंगाजलाची?

Mankya Friday, March 16, 2007 - 2:51 am:      मृणाल .. छानच ! गणेश .. अजुन छान करता येईल रे .. अर्थ भावला ! देवा .. काय बोलणार .. अप्रतिम रे ! माणिक !

Meenu Friday, March 16, 2007 - 2:54 am:      देवा .. .. .. हं !!

Naveen Friday, March 16, 2007 - 3:11 am:      वैभव आणि प्रसाद मन:पूर्वक अभिनंदन.

Shree_tirthe Friday, March 16, 2007 - 5:30 am:      गणेश, मृणाल, देवदत्त कविता छान आहेत. मस्तं.

Shree_tirthe Friday, March 16, 2007 - 6:05 am:      कट्टा जगातला असा एक कोपरा जिथं जगच विसरतात जेव्हा कट्ट्यावर मित्र-मैत्रिणी जमतात विसरून जग सारे धम्माल करतात मैत्रीसाठी तिथे वाट्टेल ते करतात दु:खांना तिथे कधीच नसतो थारा सुखाचाच नेहमी वाहतो वारा श्री

Mankya Friday, March 16, 2007 - 6:31 am:      श्री ... अश्या कट्ट्यामुळच माझं निभावलं बघा ! प्रत्येक आवर्तनानंतर नवीन कट्टा ! छे ... मन बेचैन होणार आता जुन्या आठवणींनी ! पण धन्यवाद आठवण करून दिल्याबद्दल ! माणिक !

Ganesh_kulkarni Friday, March 16, 2007 - 8:19 am:      श्री, आवडली कविता! श्री,काॅलेजला असताना खरे मित्र कमी, पण कविता मात्र जास्ती भेटल्या... एकट्या कट्यावर बसल्यावर!

Chinnu Friday, March 16, 2007 - 11:13 am:      मृणाल, नाते छान. गणेश पाऊस आवडला. अजून सुधारणा होवु शकते हं. देवा, ओळखीचे प्रश्न आहेत, खरच कशाची ओढ एवढी?

Swaatee_ambole Friday, March 16, 2007 - 12:47 pm:      देवा, असं काय रे झालं एकदम? छान लिहीलंयस.

Sumedhap Saturday, March 17, 2007 - 12:04 am:      डोळे... अबोल असले तरीही भाषा असते डोळ्यांची मनातला प्रत्येक भाव उतरतो त्यातच प्रथम त्यातच असते माया, त्यातच दिसते प्रेम दुःख झाले मनाला की दाटती त्यात थेंब त्यातच असते जिद्द, त्यातच असतात स्वप्ने पांढरे झाले केस तरी,त्यातच हिरवी राहतात मने त्यातच दडतो विश्वास, त्यातच असतो धोका अप्रत्यक्ष पाहण्याचाही तेच देतात मोका डोळे चुकवून कुणाचे कधी काही करता येईल वरुन पाहणार्‍या त्याच्या डोळ्यांना कधी चुकवता येईल?

Shree_tirthe Saturday, March 17, 2007 - 1:56 am:      धन्यवाद माणिक, गणेश. आभारी आहे. सुमेधा 'डोळे' मस्तं अगदी. - श्री

Ganesh_kulkarni Saturday, March 17, 2007 - 2:15 am:      सुमेधा ताई, डोळे... कविता आवडली! डोळे चुकवून कुणाचे कधी काही करता येईल वरुन पाहणार्‍या त्याच्या डोळ्यांना कधी चुकवता येईल?

Sumedhap Saturday, March 17, 2007 - 2:37 am:      धन्यवाद श्री आणि गणेश!!!!

Gargi Sunday, March 18, 2007 - 6:46 am:      अशा सायंकाळी....... अशा सायंकाळी....... दिशांच आर्तपण माझ्यात परावर्तित........ आरपांर मी मनमोर मनाच्या विसर सीमेवर बरसणारा पाउस आणि पावसाळा नसतानाही..... मी भिजटभोर