|
हलकेच घ्या म्हणालो
"ताणून द्या!", म्हणालो>>>.
पणत्या चिकार झाल्या;
"कंदील न्या", म्हणालो!>>..
मस्तय हझल.. पहिल्या दोन ओळी लक्षात नाही आल्यात.
बाकी आवडली.. पहिल्यंअदाच वाचला.. हा प्रकार..
|
Jayavi
| |
| | Friday, November 17, 2006 - 6:30 am: | 
| 
|
सारंगा, मस्तंय रे! मज्जा आली 
|
Maggy
| |
| | Friday, November 17, 2006 - 6:40 am: |
|
|
सारंग छान जमली आहे हजल...
आले 'कवी' पळा हो!
"भेटू उद्या", म्हणालो!
हे तुझ्या बाबतीत नाहि ना घड्लंय??
|
Sarang23
| |
| | Friday, November 17, 2006 - 7:12 am: |
|
|
लोपा, वैभवच्याच प्रतिक्रियेत आलयं की हलकेच घ्या...
मायबोलीकरांना हलकेच घ्या माहीत नाही म्हणजे कमाल झाली...
आणि त्यामुळेच शेवटी पणती पण आलीये...
मंगेश... आजपर्यंत तरी अशी वेळ नाही आली (म्हणजे पुढचे सांगत येणार नाही...)
वैभवराव...
झटक्यात "छ्या" म्हणाला;
"कैसे चुक्या?", म्हणालो!
समिधाच या सख्या रे...
असती "सुक्या" म्हणालो! (कुसुमाग्रजांची माफी मागून...)
कविता कळ्यांप्रमाणे,
"होत्या मुक्या!", म्हणालो...
हलकेच घ्या
|
Chinnu
| |
| | Friday, November 17, 2006 - 8:12 am: |
|
|
सारंग ह. घ्या. मस्त. वैभवची प्रतिक्रिया पण मस्त!
|
Sarang23
| |
| | Friday, November 17, 2006 - 9:36 am: |
|
|
हासताना!!!
ऐनवेळी तोल गेला हासताना!
चेहरा गंभीर झाला हासताना!
उत्तराची वाटते भीती अताशा...
का तुझा होकार आला हासताना?
पाहुनी मज, लाल डोळ्यांचा फकीरा-
"जागणे टाळा", म्हणाला हासताना!!
चारचौघांसारखा साधाच होतो!
फक्त होता गाल ओला हासताना!!
जो दिला तो शब्द माझा पाळला मी!
प्राण सुद्धा सोडलेला हासताना!!
मी कुठे रडलो तुझ्या विरहात वेडे?
कस्पटाने घात केला हासताना!!!
सारंग
|
दिनेशदा, वर सारंग आणि वैभवने उत्तर दिलं आहेच, खरंतर ते तुझ्या पोस्टमधेच आहे.
>>>> पुढे धबधब्यामुळे तो कडा झिजेल
पटतंय का?
इतक्या भरभरून प्रतिक्रिया आल्या की मला अगदी लाजल्यासारखं झालं. पुन्हा एकदा मनापासून धन्यवाद दोस्त्स.
सारंग, हज़ल धमाल आहे. 
वैभव, ' छ्या!'..
>>>> कविता कळ्यांप्रमाणे,
"होत्या मुक्या!", म्हणालो...
व्वा!!! व्वा!! मजा आ गया!
' हासताना' पण आवडली. आणि ' शब्द पाळला'स ( गालगागा) म्हणून धन्यवाद.
|
Sarang23
| |
| | Friday, November 17, 2006 - 10:07 am: |
|
|
स्वाती, धन्यवाद...
|
Paragkan
| |
| | Friday, November 17, 2006 - 12:11 pm: |
|
|
स्वाती, तू म्हणतेस म्हणून 'सोडुन देतो'.
सारंग, हजल छान! अन् गजलेतला शेवटचा शेर आवडला.
|
Dineshvs
| |
| | Friday, November 17, 2006 - 12:21 pm: |
|
|
स्वाती तुझी कविता खुपच आवडली म्हणुन एवढीही कसर खपली नाही. तुझी प्रतिमा जितकी कल्पनेत पटली, तितकी वास्तवात भिडली नाही.
हि चर्चा ईथे अस्थानी आहे.
मोठा अडथळा आला तर प्रवाह त्याला वेढुन जाईल. जसे स्विसमधल्या र्हाईनफ़ॉलला झालेय.
जर फुगीर म्हणजे बाहेर आलेला उंचवटा आला तर पाण्याचा वेग मंदावतो आणि त्या खडकाला वेढुन प्रपात ओघळत राहतो. गोव्याचा दुधसागर पण असाच आहे. त्याचे दोन फोटो माझ्या BB वर टाकतोय, अवश्य बघ. दोन्ही प्रकार तुला एकाच ठिकाणी दिसतील. वरच्या टप्प्यात तडे जरुर आहेत, पण ते मिरवले जात नाहीत. म्हणजे तितक्या उघडपणे दिसत नाहीत.
भंडारदार्‍याच्या एलीफंट फ़ॉल्स पण असाच आहे. तिथुन जवळच असलेला रंधा फ़ॉल्स मात्र मागे मागे सरकत गेलाय.
माझी चर्चा अस्थानी आहे, त्यामुळे क्षमा मागतो. पण ते फोटो बघुन तुला एखादी नवीन कल्पना नक्कीच सुचेल.
|
फोटो सुंदर आहेत दिनेशदा. उत्तर तिथे लिहावं की इथे हे आधी ठरत नव्ह्तं. मग म्हटलं परागचंही समाधान झालेलं नाही तेव्हा इथेच लिहावं. तुझ्या म्हणण्यानुसार
>>> वरच्या टप्प्यात तडे जरुर आहेत, पण ते मिरवले जात नाहीत. म्हणजे तितक्या उघडपणे दिसत नाहीत.
इथे ' मिरवणे' हे ' अभिमान वाटणे' या लाक्षणिक अर्थाने आलंय.
शिवाय मार्गातील कडे झिजल्या / भंगल्यामुळे धबधब्यांचे प्रवाह over the years बदलत रहातात. नायगारा धबधबा हा असाच आधी पाच प्रवाहांचा होता, पुढे कड्याची मधली पुढे आलेली टोकं फुटून त्याचा एक प्रवाह झाला, कालांतराने पुन्हा असेच बदल होत आता सद्ध्या US falls, Canada falls & Bridal falls असे तीन मुख्य प्रवाह दिसतात. तसंच धबधबा जिथे कोसळतो, तिथलेही कातळ फुटून / झिजून त्यांचे interesting आकार / पोत झालेले दिसतात.
मॉड्स, ही चर्चा अस्थानी / अनावश्यक वाटत असल्यास ( दिनेशदा आणि परागने वाचल्यावर) उडवावी / योग्य जागी हलवावी.
|
Ashwini
| |
| | Friday, November 17, 2006 - 2:29 pm: |
|
|
कवितेवरची चर्चा ही कवीच्या प्रगतीला उपकारक असते की नसते हा वेगळा मुद्दा आहे. परंतु मला असे वाटते, एखाद्या उत्कट भावनेची चिरफाड केली तर त्यातले काव्य लोपते.
बाकी चालूद्या..
|
Ashwini
| |
| | Friday, November 17, 2006 - 2:40 pm: |
|
|
खंत
कालच्या आसवांचे
व्रण अजून ताजे होते
कोण जाणे कुठले हे
नवे दुःख माझे होते
शुष्क आसवांचे ओघळ
ओल ना कुठेच होती
हृदयाला मात्र जरा
बसलेली ठेच होती
जीवापाड जपलेले
स्वप्न तुटल्याचे दुःख नाही
खंत याची की तुटताना
आवाज न झाला इतकासाही
|
वा. मस्त, अश्विनी.
कुछ तो नाजुक मिज़ाज़ हैं हम भी, और ये चोट भी नयी है अभी..
ची आठवण झाली.
ह्या कवितेचं विडंबन इथे टाकलंय.
|
Daad
| |
| | Friday, November 17, 2006 - 8:03 pm: |
|
|
सारंग, हं.. हं... ह्ज़ल झकास आहे, 'हासताना', सुद्धा!! - 'चारचौघांसारखा साधाच होतो!
फक्त होता गाल ओला हासताना!!' - व्वा!!
अश्विनी सुंदर- खंत याची की तुटताना ..... अप्रतिम
|
Dineshvs
| |
| | Friday, November 17, 2006 - 10:52 pm: |
|
|
स्वाती, माझे वाचुन झालेय. आपण हि चर्चा ईथेच थांबवुया.
नेमस्तक, कृपया आमची हि अस्थानी चर्चा डिलीट करा.
|
सारंग .... हासताना झकास गझल आहे ... विशेषतः शेवटच्या तीन शेरमधला लहजा फार मस्त आहे.
चारचौघांसारखा साधाच होतो
हे वाक्य आपण कितीतरी वेळा बोलून जातो पण त्याचा मिसरा होऊ शकतो हे कुणीतरी लिहील्यावर कळतं . बहोत अच्छा है . मज़ा आ गया
अश्विनी ... खंत अप्रतिम आहे . तू साधंसुधं कधी लिहीतच नाहीस का ? तुझ्या कविता दीर्घकाळ रेंगाळत राहतात ... त्याही " श्वास घेतल्याइतकं सहज " अनेक शुभेच्छा
स्वाती ... मला वाटलं तू " दिल में एक लहर " चं विडंबन केलंस की काय . इथे लिहीलंय त्यावरून तरी तसंच वाटतंय
|
काय फ़ंडू कविता लिहितात इथे एकेक मायबोलिकर!
स्वाती तुझी गझल अप्रतीम!!!!!!
|
Sarang23
| |
| | Saturday, November 18, 2006 - 7:38 am: |
|
|
अश्विनी, छान आहे!
|
Ashwini
| |
| | Sunday, November 19, 2006 - 1:55 am: |
|
|
मनापासून धन्यवाद मित्रांनो.
दिग्गजांच्या शुभेच्छा मिळाल्या. आणखी काय पाहीजे?
वैभव, तू म्हणालास....यातच सगळं आलं.
|
|
|