Thread

Posts

Last Post

Diiptie Monday, March 06, 2006 - 11:15 am:      खूप दिवसांपुर्वी एका जाहीरातीत पाहिलेला गणपती चित्रकवितेचा शुभारंभ करण्यासाठी...

Mavla Tuesday, March 07, 2006 - 11:12 pm:      चला चित्र कविते बरोबरच श्लोक ने सुरवात करुया... प्रारंभी विनंती करु गणपती विद्या दया सागरा || अज्ञानत्व हरुनि बुद्धी दे मतिदे आराध्य मोरेश्वरा || चिंता क्लेश दरिद्र दुक्ख अवघे देशन्तरा पाठवी || हेरंबा गणनायका गजमुखा भक्ता बहु तोषवी ||

Chinnu Wednesday, March 08, 2006 - 6:08 pm:      अंतरंगी.. आज पुन्हा प्रपंच्याच्या रंगलो मी रंगी कुणी म्हणे गजमुख, कुणी मज गणपती आरास लेवुन भक्तीपुष्पांची अंगी आज पुन्हा प्रपंच्याच्या रंगलो मी रंगी नादस्वराने बांधिली पुजा ध्यान शिवगौरीचे स्मरतो अंतरंगी आज पुन्हा प्रपंच्याच्या रंगलो मी रंगी गणांचा मी नायक, बुद्धीदाता विनायक परी मातृसेवेच्या भावावर मन वेगळे तरंगी ..तरीही.. आज पुन्हा प्रपंच्याच्या रंगलो मी रंगी!!

Diiptie Sunday, March 12, 2006 - 11:06 am:      मावळा,चिनू मस्त सुरवात केलिये तुम्ही... पण बाकी सगळे कुठे आहेत?

Jo_s Sunday, March 19, 2006 - 4:48 am:      पांढरट पिसे अन, चोच अणकुचीदार थाटात बैसला तेथे, तो गरुडराज थोर निरखुनी पाहतामात्र, चुकचूकली पाल मनात हा खराच गरुड की कोण्या, बहुरुप्याचा हात आजकाल सर्वत्र, हे असेच आहे घडतं कातडे पाघरुन कोणी, फसवती हातोहात आसपास फिरती आपुल्या, किती मुखवटेधारी सावधपणेच ऐकावे, बोलले मधूर ते किती जरी सुधीर

Jo_s Sunday, March 26, 2006 - 1:46 am:      आमच्या सृष्टीचे हे वैभव आम्हास का कळेना विनाशाच्या उंबर्‍यावरही अजुनही वळेना कुणी मारती मोरही कुठे शिकार चाले कुठे हरणांची किनार्‍यासही कासवे मरती हौस भागेना तरी मनाची किती प्राणी ते नष्टची झाले किती त्याच वाटेवर पुढील पिढ्याना दाखवायला असेच रंगवू मग हातावर सुधीर

Ldhule Monday, March 27, 2006 - 11:02 am:      सुधीर, दोन्ही कविता केवळ अप्रतीम.

Chinnu Monday, March 27, 2006 - 11:45 pm:      cant believe it! काय सुंदर कल्पना मांडलीत सुधीर. वाह!

Lopamudraa Tuesday, March 28, 2006 - 2:58 am:      Chaan!!! mast!!.. .. .. .. .. ..

Kandapohe Tuesday, March 28, 2006 - 8:31 pm:      सुधीर, दोन्ही कल्पना अप्रतीम!!

Shriramb Tuesday, March 28, 2006 - 9:58 pm:      सुधीर, छान आहेत कविता!

Shriramb Tuesday, March 28, 2006 - 10:14 pm:      हात हात जुळे नमनास, हात वाहतो फुलास हात कौतुकाची थाप, हात दानाचेही माप हात लेखणीचे मन, हात कुंचल्याचा प्राण हात मृदुंगाचा स्वर, हात छेडतो सतार हात भाजतो भाकरी, हात पंगत वाढतो हात खरा अन्नदाता, हात रोज भरवतो हात राबतो अपार, हात चालवे नांगर हात बोले गणकाशी, हात मोजतोही ज्वर हात हातात हवासा, हात मृदुलसा स्पर्श हात धाडतो चुंबन, हात मिठीचाही पाश हात शस्त्राचीही धार, हात शेवटचा वार हात सैनिकाचे शौर्य, हात गरुडाचे क्रौर्य हात पडतो वाकडा, हात हातात खुपतो हात अतृप्त गिधाड, हात फूल कुस्करतो ~ श्रीराम

Neel_ved Wednesday, March 29, 2006 - 12:38 am:      सुधीर,मस्तच.... श्रीराम.... ही कविता लिहिणार्‍या तुमच्या हाताचे चुंबन घावेसे वाटतेय.... अप्रतिम...