माजं काय चुकलं...?
येकदा आमच्या धन्याच्या मनात काय आलं
म्हनले आय करती तसं करशील का पिठलं?
मी म्हनलं त्यात काय, पिठलं काय अवघड हाय?
बिगीबिगी जाऊन भांडं चुलीवर ठेवलं
टाकला कांदा, मिर्च्या, लसूण, मूठभर जिरं
आन मग वरुनशान डावभर त्याल घातलं
पाणी आणि बेसनाचं पीठ केलं भज्यावानी
धूर व्हायला लागला तसं भांड्यात वतलं
उकळलं रटारटा, भाकरी केली पटापटा
चटणी, कांद्यासंगं मग पानात वाढलं
जेऊनशान उठल्यावर म्हन्त्यात कसं मला
पिठलं करनार व्हतीस न्हवं, त्याचं काय झालं!?
असा वाया गेला बगा माजा समदा खटाटोप
सांगा आता तुमीच यात माजं काय चुकलं?
सांगा माजं काय चुकलं..
****************
पाककृतींसंबंधी माहिती विचारण्यासाठी हा धागा उघडला आहे. कधी कधी साधारण साहित्य, रेसिपी माहित असते पण तंत्र न जमल्यामुळे, अंदाज चुकल्यामुळे पाककृती बिघडते. किंवा जमत नाही आणि नक्की काय चुकते आहे तेच समजत नाही. असे सगळे प्रश्न इथे विचारावेत.
काल कस्टर्ड करायचा प्रयत्न
काल कस्टर्ड करायचा प्रयत्न केलेला. पण ते सेट झालच नाही. पॅक वर सांगितल्याप्रमाणे कोमट दुधात पावडर टाकून १ मिनिट मिक्स केलं आणि मग १५ मिनिटं जरासुद्धा हलवलं नाही. तरी पण ते सेट झालच नाही. माझं काय चुकलं? होल मिल्क घेतलं होतं. प्रयोगच होता पण तरीही वाइट वाटलं. आता त्या पातळ कस्टर्ड मिल्क चं काही करता येइल का?
फ्रीझमधे ठेवायचं असतं ना
फ्रीझमधे ठेवायचं असतं ना कस्टर्ड ? मी तरी 'उकळत्या दूधात पावडर टाकून ते मिश्रण कोमट झाले की फ्रीझमधे ठेवायचे' असेच वाचले/ऐकले आहे.
मला वाटतय पावडर कमी पडली
मला वाटतय पावडर कमी पडली असेल. उकळल्यावर थोड घट्ट व्हायलाच हव.
पावडर जुनी नाहिये न?? नाहितर त्यात थोड कॉर्नफ्लॉवर घालुन बघ.
पावडर तर जुनी नव्हती.
पावडर तर जुनी नव्हती. मागच्याच आठवड्यात आणली मी. आणि त्या पॅक वर सांगितलं तेवढंच दुध पण घेतलं. पण त्या सुचनांमध्ये पुन्हा उकळण्याची सुचना नव्हती तसच सेट होउ द्यायला सांगितलं होतं. त्यामुळे मी तसच ठेवलं. त्याचं मिल्कशेक बरं लागेल असं वाटतं आहे. बघते करून. नाही तर सरळ सिंकचा रस्ता दाखवते.
कमीच केलं हे नशीब.
नाही तर सरळ सिंकचा रस्ता
नाही तर सरळ सिंकचा रस्ता दाखवते.>> अजुन फेकल नसल्यास चव घेवुन बघा आणि खायला योग्य असेल तर फ्लेवर मॅच होणारी ताजी फळ घालुन फ्रुट कस्टर्ड होईल.
मला कोणी सांगेल का फ्रेश
मला कोणी सांगेल का फ्रेश क्रिम म्हण्जे काय ते?
प्लीज....................................
कच्च्या केळींचे सारण करून
कच्च्या केळींचे सारण करून पोळ्या करण्यासाठी केळी वाफवून सारण केले, पण ते खूपच भरभरीत झालेय. काही केल्या एकत्रित होत नाहीये (अतिशय कोरडे आहे). काय चुकले असेल? काय केले तर सारण मिळून येईल? लवकर सांगा प्लीज, अर्धा ते पाऊण तासात करायच्या आहेत. मदतीसाठी आगाऊ धन्यवाद!
अमी
थोडा उकडलेला बटाटा मिसळता
थोडा उकडलेला बटाटा मिसळता येईल का ? नाहीतर कणकेतच ते मिश्रण घालून मेथी सारखे पराठे करता येतील का ?
मेधाची आयडीया सही आहे. आणखी
मेधाची आयडीया सही आहे.
आणखी एक, त्या मिश्रणात पीठं आणि मसाले घालून धिरडी??
मेधा, मृण्मयी, त्वरित
मेधा, मृण्मयी, त्वरित उत्तराबद्दल धन्स! बटाटा उकडायला टाकूनच प्रत्युत्तर द्यायला बसलेय. आज सारणाच्या पोळ्या, उद्या धिरडी!
अमी
मेधा, मृणमयी, ऊकडलेला बटाटा
मेधा, मृणमयी, ऊकडलेला बटाटा टाकून मस्त जमलं सारण! धन्स!
अमी
नवर्याला आवडते म्हणून,
नवर्याला आवडते म्हणून, पहील्यांदाच होल मिल्क आणि हेवी क्रिम वापरुन बासूंदी केली, पण त्याला हल्की कडवट चव आली आहे. (साखर घातलेली हो..) माझं काय चुकल असेल???:(
आता त्याच काही करता येईल का? (फेकून देण्याशिवाय..तो शेवटचा पर्याय आहे)
मी कायम अशीच करते बासुंदी...
मी कायम अशीच करते बासुंदी... काय चुकलं असेल कळत नाहीये.
mnp, मला बासुंदी करण्यातले
mnp, मला बासुंदी करण्यातले खूप काही कळते असे नाही - पण पहिल्यांदा जो विचार मनात आला तो हा - दूध उकळवताना ते खाली लागले का? माझे तसे झाले होते - मला तरी ती फेकून द्यावी लागली होती.
अमी
पण मग त्याला जळकट वास येइल,
पण मग त्याला जळकट वास येइल, कडवट नाही.
चारोळ्या किंवा ड्रायफ्रुट्स टाकली असतील ती वाईट असू शकतात.
चारोळ्या, खवट असू शकतील.
चारोळ्या, खवट असू शकतील. बदामही कडू निघतो कधी कधी, तसे असेल तर खाऊ नये.
दिनेशदा म्हणतात तसे बदाम कारण
दिनेशदा म्हणतात तसे बदाम कारण असू शकते. पण तेच बदाम मी आज कुल्फिसाठी वापरले. ती नव्हती कडवट. कदाचीत एखादा खराब असेल....
बदाम भिजत घालून सोलतेवेळी, तो
बदाम भिजत घालून सोलतेवेळी, तो पिवळा वा तेलकट दिसला, तर तो कडवट असतो. तो टाकून देणे उत्तम. चारोळ्या पण तश्या नजरेला, वेगळ्या दिसतात.
दूधी, पडवळ, दोडका, काकडी हे पण कधी कधी कडू निघतात. त्यामूळे चिरण्यापूर्वी, त्याची चव घेणे चांगले. (या भाज्या नजरेला, वेगळ्या दिसत नाहीत.)
भांड्याचा दोष असेल. काय
भांड्याचा दोष असेल. काय धातूचे भांडे होते? दुधात काही भेसळ असेल तर ते बघा. ( भारतात जास्त करून युरीआ वगैरे पण असू शकतो.)
काल सकाळी अनारस्याचे तांदुळ
काल सकाळी अनारस्याचे तांदुळ वाटुन पिठीसाखर कालवुन ठेवले. आज पाहिले तर पुर्ण dry आहे. ओलसर करण्यासाठी काय करावे लागेल
त्यावर केळीचे पान घालून
त्यावर केळीचे पान घालून थोडावेळ झाकून ठेवावे. अगदी करताना त्यात दूधाची साय मिसळून मळून घ्यावे.
सगळ्यांना धन्स. मामी, मी
सगळ्यांना धन्स.
मामी,
मी उसगावात आहे त्यामूळे भेसळ नसावी अशी अपेक्शा आहे. हा, भांड इथल्या कूकवेअर सेट पैकी होते.(लोखंडी असावे) स्टील नव्हते एवढे नक्की. तेही कारण असेल.
मला जरा पुर्यांबद्दल फारच
मला जरा पुर्यांबद्दल फारच बेसिक प्रश्न पडलाय. मी एकतर तळण म्हणून पुर्यांच्या वाटेला जात नाही. पण आज काहीतरी वेगळं म्हणून श्रीखंड पूरीचा बेत केला. थोडक्यात काय तर सवय नाहीये. माझ्या पुर्या छान फुगल्या होत्या पण व्यवस्थीत निथळून पण तेलकट वाटत होत्या. काय कारण असावं? मी पीठ भिजवताना मीठ, साखर आणी गार तेलाचं मोहन घातलं होतं. मोहन घालायला नको होतं का? की गरम तेलाचं मोहन घालावं ? की अजून काही वेगळं कारण असावं?
पुर्यात थोडे मोहन लागतेच, पण
पुर्यात थोडे मोहन लागतेच, पण तेलकट होण्याचे ते कारण नाही. पूर्या टोपलीत पेपर टाकून त्यावर काढत असत. किचन टॉवेलवर पण काढतात. याने थोडा तेलकटपणा कमी होतो. पण पूर्णपणे जात नाही.
उत्तर भारतात अश्याच पुर्या आवडिने खाल्ल्या जातात.
गोव्यात मात्र पुर्या चक्क नॅपकीनमधे पिळून खाताना मी बघितले आहे.
राजगिर्याच्या पिठाच्या पुर्या जरा कमी तेलकट होतात.
श्रीखंडाबरोबर, गवसण्या किंवा पिठपोळ्या हा कमी तेलकट पर्याय आहे.
प्राडी, मोहन जास्त झालं कणकेत
प्राडी, मोहन जास्त झालं कणकेत आणि कणिक सैल भिजवली गेली असल्याची शक्यता आहेच.
पु-यांसाठी कणिक अगदी घट्ट भिजवावी लागते आणि मोहन अगदी धूर येईपर्यंत गरम करायचं आणि पिठात घालायचं.
पुर्या तळण्यापूर्वी १०-१५
पुर्या तळण्यापूर्वी १०-१५ मिनिटे फ्रीज मधे ठेवल्या तर तेल कमी पितात असे वाचले होते. माझा तळण्याशी संबंध नाही, त्यामुळे स्वानुभव नाही.
धन्यवाद सगळ्यांना. पीठ छान
धन्यवाद सगळ्यांना. पीठ छान घट्ट भिजवलं होतं. कदाचित गार तेलाचं मोहन हेच कारण असावं. पुढच्या वेळी गरम तेल घालून बघेन. फ्रीजचा प्रयोग करायला पण हरकत नाही.
मोहन हा शब्द फक्त गरम
मोहन हा शब्द फक्त गरम तेलाकरताच वापरतात ना? (गार तेलाकरता नाही माझ्यामते)
जाणकार सुगरिणींसाठी प्रश्न -
जाणकार सुगरिणींसाठी प्रश्न - ग्रीक योगर्टपासून श्रीखंड बनवलेय आज - उद्याच्या पाहुणे मंडळीसाठी (१६ - सगळेच मोठे). ग्रीक योगर्ट + साखर - हे दोनच घटक वापरले आहेत. चक्का नेहेमीसारखा घट्ट नाही, बराचसा सैलसर आहे. तर हे श्रीखंडासारखे घट्ट व्हावे यासाठी काय सूचना आहेत? थोडे फुल फेट सावर क्रीम मिसळू का? मी सहा पौंड दही घेतलेय अन तीन पौंड साखर घातली आहे (दही जरा आंबट होते). स्वाद छान आहे - फक्त consistency पातळ आहे. मदतीला येणार्यांना आगावू धन्यवाद!
अमी
थोडी मिल्क पावडर अॅड केली तर
थोडी मिल्क पावडर अॅड केली तर ?
Pages