उपक्रम २ - एकारंभ अनंत अर्थम् - तिचं आयुष्य तेवढंच - बिपीन सांगळे

Submitted by बिपिनसांगळे on 19 September, 2023 - 14:55

" बाकीचे अजून आले नव्हते. गाडी यायला तसा वेळच होता. तेवढ्यात त्याचे लक्ष तिच्याकडे गेले..."
आणि तो एकदम शहारलाच. ती एक बदामी रंगाची कुत्री होती. रस्त्यावर आडवी पडलेली. अचेतन ! रक्ताचा एक छोटासा ओघळ होता तिच्या शेजारी. कोणी गाडीवाल्याने धडक दिली होती तिला.
रोज अशी कितीतरी माणसं मरतात आणि प्राणीही. तशीच हीसुद्धा ! त्यात वेगळं ते काय? तिचं आयुष्य तेवढंच -नशीब असं कोणी हसत बोललं नव्हतं. पण ... तिच्यामागे तिची पिल्लं होती. तान्ही ! ती रस्ता ओलांडून पिल्लांकडेच येत होती खरंतर.
शेवटी बिचारी पिल्लंच आली तिच्याकडे. तिला शोधत. आपली आई गेलीये, हे त्या कोवळ्या जीवांना काय ठाऊक... ती तिला भुकेने लुचू लागली ... त्याच्याही डोळ्यांत पाणी .

विषय:

लेखन

शब्दखुणा:

तिचं आयुष्य तेवढंच

Groups audience:

मायबोली गणेशोत्सव २०२३

Group content visibility:

Use group defaults

शेअर करा

छान

Submitted by अमितव on 19 September, 2023 - 14:57

(No subject)

Submitted by ऋन्मेऽऽष on 19 September, 2023 - 15:17

करुण शशक.

करुण शशक.
कमी शब्दात इम्पॅक्ट्फुल आहे.

Submitted by सामो on 19 September, 2023 - 15:46

कथा वाचून वाईट वाटले.

कथा वाचून वाईट वाटले.
आमच्या कॅालनीमधली एक कुत्री अचानक मेली. तिच्या पिल्लांचं काय होणार म्हणून माझ्या नंदेने त्यांना रोज खायला देणे सुरू केले. नंतर त्यांना सगळ्याच भटक्या कुत्र्यांबद्दल प्रेम वाटायला लागले. गल्लीतल्या बऱ्याच कुत्र्यांना नगरपालिकेने पकडून नेऊ नये म्हणून त्यांनी PETA तून परवाणगी आणली/घेतली. सोसायटीत कुत्र्यांना त्रास नको म्हणून त्यांची इतरांशी भांडणे सुद्धा झालीत. बाहेर पडताना पेडीग्रीचा पुडा कायम त्यांच्या पिशवीत असतो.
आता त्या किंवा त्यांची मुलगी दिसली कि लगेच पूढे २ मागे ३ कुत्रे त्यांचे रक्षक असल्यासारखे चालत असतात.