जिथे नेईल रस्ता त्या दिशेने जायचे होते

Submitted by द्वैत on 30 May, 2023 - 09:49

जिथे नेईल रस्ता त्या दिशेने जायचे होते

जिथे नेईल रस्ता त्या दिशेने जायचे होते
लकेरीसारखे कोठेतरी उमटायचे होते

नको देऊ नशा आता इथे रेंगाळण्यासाठी
मला घोटात एका जीवनाला प्यायचे होते

जरी ओढून नेई लाट पायाखालची वाळू
कळेना पावलांना का तिथे थांबायचे होते

धुळीची वादळे आली धुळीची वादळे गेली
मला माझ्यातले माझे असे राखायचे होते

कवडसा एक सोनेरी कधी हातांस स्पर्शावा
मलाही दीप मातीचे पुन्हा उजळायचे होते

तुझ्यामाझ्यातले काही नको सांगूस कोणाला
तुला बहरायचे होते मला वेचायचे होते

द्वैत

विषय: 
काव्यलेखन
Groups audience: 
गुलमोहर - गझल
Group content visibility: 
Public - accessible to all site users
शेअर करा

>>>>जिथे नेईल रस्ता त्या दिशेने जायचे होते>>>
किसी के वास्ते राहें कहाॅ बदलती हैं
तुम अपने आपको खुद ही बदल सके तो चलो
सफरमें धूप तो होगी जो चल सके तो चलो...

तुमची पहिलीच गझल वाचली...छान

Submitted by दत्तात्रय साळुंके on 31 May, 2023 - 02:09