कथाशंभरी - किलर इन्स्टिन्क्ट - स्वाती_आंबोळे

Submitted by स्वाती_आंबोळे on 3 September, 2022 - 11:13

बर्‍याच दिवसांनी दोघींना मोकळा वेळ मिळाला होता. नाही म्हटले तरी काही वर्षे लोटली होती. पुलाखालून बरेच पाणी वाहून गेले होते. अचानक एकीचे लक्ष तिकडे गेले. अरे हे काय!
पुलाच्या कठड्यापाशी कोणीतरी उभे होते. कपडे अस्ताव्यस्त, केस विस्कटलेले, नजर शून्यात! चेहरा दिसला तशा दोघी हादरल्या!
हा... मेला होता ना?! कॉलेजमधला मवाली! शीतलशी अतिप्रसंग करताना दिसला तेव्हा सलोनीने डोक्यात धोंडा घातला होता त्याच्या. दोघींनी कसेबसे पोत्यात घालून वजन बांधून इथूनच पाण्यात ढकलले होते. तो बेपत्ता झाल्याची चार दिवस चर्चा झाली, मग विसरून गेले होते लोक.
सलोनीमात्र...!
सलोनीपाशी येत तो म्हणाला, "शीतलने मत्सरापोटी गोवलं तुला यात, यू फूल! बट आय स्टिल लव्ह यू!"

विषय: 
उपक्रम
शब्दखुणा: 
कथाशंभरी
Groups audience: 
मायबोली गणेशोत्सव २०२२
Group content visibility: 
Public - accessible to all site users
शेअर करा

मस्त!
'पूलाखालून'चं 'पुलाखालून' केलंत तेही बरं झालं Wink

Submitted by वावे on 3 September, 2022 - 15:51

आवडली.
हो. पहिल्याच वाक्याला लिटरल पूल आणि लेखिकेचे नाव बघून वेगळ्या अलंकारात आहे का काय वाटू लागलेलं. Happy

Submitted by अमितव on 4 September, 2022 - 14:32

ठीक

Submitted by उपाशी बोका on 4 September, 2022 - 19:17

<<सलोनीने डोक्यात धोंडा घातला होता त्याच्या. दोघींनी कसेबसे पोत्यात घालून वजन बांधून इथूनच पाण्यात ढकलले होते. >>
अरे बाप रे! काय बायका आहेत या? लग्गेच खून?? आणि नदीत ढकलून दिले प्रेत? भलत्याच अट्टल गुन्हेगार दिसताहेत!!

Submitted by नन्द्या७५ on 6 September, 2022 - 09:11

टेरर !

Submitted by बिपिनसांगळे on 11 September, 2022 - 12:00

सर्व अभिप्रायदात्यांचे अनेक आभार.
तसंच हा उपक्रम आयोजित करून व्यक्त होण्याला संधी आणि दिशा दिल्याबद्दल संयोजकांचेही आभार.
Happy

Submitted by स्वाती_आंबोळे on 12 September, 2022 - 10:53