कॉर्न पास्ता

लागणारा वेळ:
१० मिनिटे
लागणारे जिन्नस:
मॅक्रोनि पास्ता 4 मूठ (उकडलेला)
बटर / साजूक तूप
स्वीट कॉर्न दाणे 1 वाटी (वाफवलेले)
टोमॅटो प्यूरी 2 टेबलस्पून
मलई 2 टेबलस्पून
ओरेगानो
चिली फ्लेक्स
मीठ

क्रमवार पाककृती:
१. एक चमचा साजूक तूप कढईत घालावे.
२. तूप गरम होताच वाफवलेले स्वीट कॉर्न दाणे आणि टोमॅटो प्यूरी टाकावी.
३. मीठ, ओरेगानो व चिली फ्लेक्स चवीनुसार टाकावेत. मीठ कमीच असू द्यावे कारण मॅक्रोनि पास्ता उकडतांना मीठ टाकावे लागते.
४. साधारण २ मिनिटे सर्व मिश्रण परतल्यावर उकडलेला पास्ता ओतावा.
५. ताजी मलई मिश्रणात ओतावी व पास्त्याला सगळा मसाला व्यवस्थित लागेल असे पहावे.
६. साधारण २ मिनिटे कमी गॅसवर मिश्रण झाकून ठेवावे.
७. पास्ता ओलसर हवा असल्यास मलई सोबत थोडे दूध टाकता येईल.

वाढणी/प्रमाण:
२ जणांसाठी