निसर्गाच्या गप्पा (भाग १६)

माझी पण खूप आवडीची ... माझ्या ऑफिसच्या वाटेवर एक झाड आहे... सडा पडलेला असतो ...मी गुच्छ बनवुन ऑफिसला घेउन येते सध्या ... मी लहानपणी ह्याची वेणी बनवाय्चे .... आता अजिबात लक्षात येत नाही कसे ते ...

जागू, सुगंध दरवळला. मी दररोज सकाळी ज्या रस्त्यावरून जाते, तिथेच ह्याचे झाड आहे. काही अंतरावरूनच फ़ुले फ़ुलल्याचा संकेत मिळतो. आणि रस्त्यावर आणि गाड्यांवर फ़ुलांचा सडा असतो.

माझ्या ऑफिसच्या खिडकीबाहेर असलेल्या वडाला ( Ficus bengalensis ) इतकी लालचुटुक फळे लागलीएत की ती खाण्यासाठी त्यावर बुलबुल, कोकीळ, कावळे, धनेश, तांबट, साळुंक्या वगैरे इतक्या प्रकारचे पक्षी येताहेत की कोणीही येणारा-जाणार थबकून पहातोच की कुठला नवीन पक्षी दिसतोय हा....

काल तर जवळ जवळ ८-१० कोकिळ (नर) बसले होते आणि बुलबुल, तांबट यांना उगाचच हाकलत होते...

धनेश तर इतका विचित्र ओरडतो की सगळ्या परिसरात तो कर्कश्श आवाज भरुन रहातो - मग कुठुनसे खूप कावळे येतात आणि त्या धनेशच्या जोडीमागे लागतात, त्यांना पळवून लावतात ...

शशांकजी पक्षांच्या सभेचे स्थान असेल ते >>>>> एक बरंय की त्यांच्यात निवडणुका नसतात ..... नाहीतर ????

शशांकजी, मज्जा आहे तुमची.

नमस्कार मित्रांनो

वा सश्या मस्तच एकदम

मी निसर्गाच्या गप्पा अगदी पहिल्या भागापासून वाचते आहे, खूप आवडतं मला ईथे वाचयला, नवनविन गोष्टी पाहायला मिळतात . आज पहिल्यांदाच प्रतिसाद देते आहे . आणी दिनेशदा काय माहितीचा साठा आहे हो तुमच्या कडे . १ न॑बर

अजुन खुप हुशार लोक आहेत इथे सगळेच खुप ग्रेट आहात.. मस्त ......

जागू फुलांचा सुगंध दरवळला इथे, माझी आई ह्या फुलांची सुंदर वेणी करायची.

स_सा, मस्त फुले आहेत.

पलक म्हणते ते बरोबर आहे, इथे खूप ग्रेट आणि हुशार माणसे लिहितात त्यामुळे खरंच ज्ञानात भर पडते, विविध फोटोमुळे डोळ्यांनापण तृप्ती मिळते, मलापण इथे येऊन वाचायला आवडते, माहितीचा खजिना आहे इथे. कधी कधी स्वतःची लाजपण वाटते अरे आपल्याला काहीच माहिती नाही असे वाटते.

धन्यवाद, आपल्याकडे असलेली माहिती शेअर करणाऱ्या सर्वांना.

जागु, बुची / आकाश-मोगरा, मस्त. नागपूर ला बरीच झाडं आहेत ह्याची.

शशांक जी, काय मस्त वाटत असेल ना पक्ष्यांची मेहफील बघायला?
वडाचे फुल फार दुर्मीळ असते, ज्या क्षणी दिसले त्याला नमस्कार करावा, लक्ष्मी प्रसन्न होते
अस माझे बाबा सागंतात.

पलक,
इथे नियमित लिहित रहा. आम्हाला निसर्गप्रेमी लोक आवडतात. आणि इथे सर्वचजण छान छान लिहित राहतात.

धनेश बालसंगोपन करण्यात एक्स्पर्ट असतो. त्याच्यासारख्या निष्ठेने क्वचितच कुणी पक्षी हे काम करतो.
त्यामूळे त्याची पिल्ले जगण्याचे प्रमाण जास्त असते. ( कोकणात त्याची शिंगचोच मिळाली तर आवर्जून
बाळंतिणीच्या खोलीत ठेवतात. ) सिंगापूरला त्याला प्रत्यक्ष हात लावायची संधी मिळाली होती.
पापणीवर केस असणारा तो एकमेव पक्षी आहे. ( असे तिथे सांगितले होते. )

शांकली,
करोला पब्लिकेशन पुणे यांच्यातर्फे इंगळहाळीकरांची काही नवीन पुस्तके गेल्या वर्षी येणार होती,
त्यात ट्रीज ऑफ पुणे असे एक पुस्तक होते. माझ्या गेल्या भेटीपर्यंत तरी आली नव्हती. कधी वेळ
मिळाला तर चौकशी करणार का ?

वडाचे फुल फार दुर्मीळ असते, ज्या क्षणी दिसले त्याला नमस्कार करावा, लक्ष्मी प्रसन्न होते
अस माझे बाबा सागंतात. >>>>>> सायली पातुरकर, कृपया दिनेशदांचा हा खालील लेख जरुर वाचणे ---
http://www.maayboli.com/node/23879 उंबरातले किडे-मकोडे
या कुळातील (वड, उंबर, इ. फायकस कुळातील) कुठल्याच झाडाला फुले येत नाहीत .... बाकीची माहिती त्या लेखात दिलेलीच आहे.....

आभार शशांक,
फ्लोरा अँड फॉना ऑफ सिंहगड आणि कोस्टल प्लांट्स ऑफ वेस्टर्न इंडिया अशी पण पुस्तके अपेक्षित होती.

दिनेश दा, अप्रतिम माहिती,वाचुन थक्क व्हायला झाल. हा लेख परत परत वाचते आहे.
खरच मी खुप लकी आहे तुमच्या सारख्या माहान लोकांच्या संपर्कात आले.

धन्यवाद शशंकजी.....

दिनेश दा, धनेश ची चोच बाळंतिणी च्य खोलीत का ठेवतात?

जागू नक्की दाखव वेणी करुन ....
माझ्याकडे मी सध्द्या भरपूर भाजी लावली आहे ... काकडी, कारले, टोंमॅटो, कोबी, मेथी, कोथिंबीर, कांदा, पुदिना, भोंगी मिरची.. इति.....
..पण भोंगी मिरची जगेल असे वाटत नाही आहे... :(...

नविन घरी (रेंटेड) शिफ्ट झालोय,,, इथे घरी झाडाच्या कुंड्या लावायला खुप जागा आहे... फ्लॉवर बेड आहेत प्रत्येक गॅलरीला...
जुन्या ६-७ कुंड्या आहेतही.. झेंडु, तुळस, ब्रह्म कमळ, मोगरा, गुलाब.. अशी झाड आहेत.. पण नव्या ठिकाणी जागा असुनही थेट सुर्यप्रकाश येत नाही .. आधिची झाड ओके आहेत.. नवी भाज्यांची रोपे लावायची आहेत...
कोणती लावावी?
म्हणजे टोमॅटो, वांगी कारलं .. अशी कुठली?

नवी भाज्यांची रोपे लावायची आहेत...
कोणती लावावी? >>>>> दिनेशदाच सांगू शकतील नीट ...... कारण थेट सूर्यप्रकाश येत नाहीये म्हणताय !!

हा अंगोलातल्या सिमला मिरचीचा जरा कलात्मक फोटो आहे ;-० ( ओळखा पाहू लिहायचे धाडस झाले नाही. )

आनंदी, सूर्यप्रकाश हवाच. निदान तीन चार तास तरी हवा.
नाहीतर झाडे नीट वाढत नाहीत. चहा कॉफीसारखी काही झाडेच सावलीत वाढू शकतात.
मनिप्लांट हे पण एक ऑप्शन आहे.
कदाचित मार्च नंतर सूर्यप्रकाश यायची शक्यता आहे. त्यावेळी भाज्या लावता येतील.
सध्या गाजराचे वरचे काप खोचून बघा. तग धरायची शक्यता आहे. त्याची पाने आणि फुलोरेही सुंदर असतात.

Happy New Year सर्व निसर्गप्रेमीना.

अंगोलातल्या सिमला मिरचीचा जरा कलात्मक फोटो आहे >>>> लैच भारी फोटु दिनेशदा.....

सर्व निगकरांना नववर्षाच्या शुभेच्छा!

dhanyawaad dinesh. ..

जागू - या धाग्याच्या सुरुवातीचा फोटो आणि यंत्र पूजनाची महत्ता हे सगळं एकदम काढून का टाकलंस ???

सुंदर होतं सगळं ते आणि समयोचितही ....

सध्या या धाग्याकडे पहायला कोणाकडे वेळ दिसत नाही बहुधा .....

काल सकाळी सकाळी मला आमच्या ऑफिसच्या ग्राउंड फ्लोअरवरुन फोन आला - ताबडतोब खाली या.. एक पक्षी पडलाय इथे....
असे काही पक्षी- प्राणी दिसले की ऑफिसमधल्या बहुतेकांना वाटतं की - या "पुरंदरे"प्राण्याच्या लगेच लक्षात येईल - याला काय झालंय ते ...
मी ही लगेच गेलो खाली तर एक कोकिळा बसली होती जमिनीवर.... आपल्या पायावर बसलेल्या त्या कोकिळेला पाहूनच मला हुश्श वाटले - मी तिच्या आसपास जाऊन निरीक्षण करु लागलो की कितपत लागलंय ते ... एक - दोन पिसे ही पडली होती तिची ... मी जवळ जाऊ लागलो तर ती भितीने खुरडत खुरडत लांब जाऊ लागली .... मग मी जागेवरच थांबलो - व आसपासच्या लोकांनाही जरा दूर जा म्हणून सांगितले - एखाद दोन मिनिटातच तिने पंख हलवून बघितले व समोरच्याच वडाच्या झाडावर कशीबशी जाऊन बसली..

बराच वेळ तिथे बसून होती ती - मग केव्हातरी उडून गेली असावी...

आमच्या येथील बिल्डिंग्जना बाहेरुन आरश्यासारख्या काचा लावल्यात त्यामुळे सकाळी अनेक पक्षी त्यावर चोची मारत बसतात व मग अनेक घायाळही होतात - तशीच ही कोकीळा घायाळ होऊन पडली असावी असं अनुमान मी काढलं ....