भिन्न - कविता महाजन - पुस्तक परिक्षण

ही कादंबरी वाचली तेंव्हा एकदम हादरुन गेले होते.... किती तरी दिवस एकदम अस्वस्थ होते.... कविता महाजन च्या सगळ्याचपुस्तकांंबद्दल हा अनुभव आहे मग भिन्न असो वा "ब्र" नाहीतर "ग्राफिटी वॉल" प्रत्येक पाना गणिक आपण अस्वस्थ व्हायला लागतो.....

चांगलं परिक्षण बी......

मोकिमी,

>> कविता महाजन च्या सगळ्याचपुस्तकांंबद्दल हा अनुभव आहे

त्यांचा ब्लॉग देखील अस्वस्थ करणारा आहे. वानगीदाखल हा लेख पहा :
http://bhinn.blogspot.co.uk/2012/07/blog-post_15.html

आ.न.,
-गा.पै.

बी, तुमचं परीक्षण चांगलं जमून आलंय!
आ.न.,
-गा.पै.

मी हि कादंबरी वाचली तेव्हा मलापण खूप अस्वस्थता आली होती. मोहन की मीरा यांनी म्हटल्याप्रमाणे खरंच हादरले होते मीही. 'ब्र' वाचूनपण असाच अनुभव आला. सर्व जग ढवळून टाकणारा अनुभव होता. हे जग असंही असते हे समजले. 'ग्राफिटी वॉल' अजून वाचले नाही.

खूप उत्तम रीतीने मांडले आहे बी तुम्ही.

बी, छान लिहिलेत.
<आपल्या अनुभवांच्या कक्षेत एखादी गोष्ट नाही म्हणजे ती नाही असे होत नाही>

बी, छान लिहिलेत.

"....सजग वाचक होऊन पाहीलं तर ते पुस्तक आक्षेपार्ह वाटत नाही...."

~ वरील लेखातील हे वाक्य खूप काही सांगून जाते 'भिन्न' मधील दाहकतेबद्दल. केवळ सेक्स आणि एडस या दोन विषयांशी ही कादंबरी लिहिण्याचे कविता महाजन यांचे प्रयोजन नसून त्यामुळे त्यानी प्रत्यक्ष जागी जाऊन केलेले सर्व्हेही फार महत्वाचे ठरतात. एका खुल्या मुलाखतीत त्यानी म्हटले होते की "कादंबरीत अनुभवातील केवळ २५% लिखाण मी देऊ शकले आहे, इतकी प्रत्यक्षातील स्थिती वाईट आहे."

"भिन्न" प्रकाशनापूर्वी लेखन पूर्ण झाल्यावर हस्तलिखित त्यानी एका जवळच्या मैत्रिणीस वाचायला दिले होते. वाचून तिने तिची प्रतिक्रिया मोकळेपणानं सांगितली. ती असेही म्हणाली, "एक सांगू का ? हे पुस्तक तू छापायला देऊ नयेस असं मला वाटतं." कविता महाजन तिला म्हणाल्या "का गं ? इतकं वाईट लिहिलं गेलंय का? तसं वाटत असेल तर मी पुनर्लेखन करेन. आपल्याला काही छापायची घाई नाही." यावर मैत्रिण म्हणाली, "त्यामुळे नाही म्हणत मी. ते वाईट आहे असं नाही. पण 'ब्र' मुळे कशी तुझी एक आदर्श इमेज तयार झाली आहे.... ती या 'भिन्न' मुळं बिघडून जाईल याची धास्ती वाटतेय मला." [हा किस्सा "ग्राफिटी वॉल" मध्ये कविता महाजन यानीच वर्णन केला आहे.]

जवळच्या मैत्रिणीचं हे मत तर ते अनोळख्या व्यक्तींकडून कितपत स्वीकारलं जाईल याचीही कल्पना कविता महाजन याना नक्कीच आली असेल, तरीही त्यानी ती जबाबदारी तितक्याच धैर्याने स्वीकारली आणि "बी" यांच्या परिक्षणावरून "भिन्न" चे स्वागत झाल्याचे दिसून येतेच.

अशोक पाटील

Dok bhinn karun sodnar vishleshan.... khup yatharth parikshan ... aankhihi pustakanch parikshan tumchyakadun apekshit aahe .. dhanyawad

ही कादंबरी वाचली तेंव्हा एकदम हादरुन गेले होते.... किती तरी दिवस एकदम अस्वस्थ होते.... कविता महाजन च्या सगळ्याचपुस्तकांंबद्दल हा अनुभव आहे मग भिन्न असो वा "ब्र" >>>> मोहन की मीरा, प्रचंड सहमत

'ग्राफिटी वॉल' अजून वाचले नाही अजून काय विषय आहे या पुस्तकाचा ?

बी, अतिशय काळजीपूर्वक आणि समर्पकच शब्द वापरलेस परीक्षण करताना. फार छान.

बी,
>>ही कादंबरी वाचकाला भिडते ती फक्त रचिता शिर्के कशी जगते ह्याचे यथार्थ चित्रण ती करते म्हणून. तिचे खरेखुरे जगणे, तिचे कडूगोड अनुभव वाचताना ती वाचकाला हेलावून सोडते. तिचा स्वभाव, तिचे प्रश्न, तिची होत जाणारी फरफट, तिची घुसमट ह्या सर्वांचे चित्रण करताना वेगाने ही कादंबरी वाचकाच्या मनाचा ताबा घेऊन टप्प्याटप्प्याने पुढे जातो. रचिता शिर्के आणि तिच्या मित्रमैत्रिणी कशा आहेत? तर वरवर त्या शिवराळ आहेत असे वाटेल. पण त्यांच्या आतली सल, त्यांच्या जखमा, त्यांची असहायता त्यांच्या बोलण्यातूनच अधिक स्पष्टपणे आणि ताकदीने त्या आपल्यासमोर पुढे येतात>>>>
अगदी साधे, नेमके अन परिणामकारक लिहिले आहे तुम्ही.कविता महाजनसारख्या लेखिकांनी या प्रांतातला धुक्याचा पडदा हटवला आहे. अशोकजींनी प्रतिसादात दिलेली आठवणही महत्वाची. खरेच नुसते असे लिहिण्याची जोखीम लेखिकांसाठी मोठी आहे.येथे प्रतिमा जोशी यांचा 'जहन्नम' हा कथासंग्रहही आठवला. अत्यंत दाहक कारण कथांच्या माध्यमातून त्या वस्तीतील जीवनाचे वास्तव अलिप्त चित्रण आहे. लेखिकेने हा वसा अगदी निरपेक्षतेने महाविद्यालयीन दिवसांपासून घेतला आहे.

बी, सुंदर परीक्षण. नेमकेपणाने जाणून समजून लिहिलं आहेस.

भिन्न पहिल्यांदा वाचून संपल्यावर खूप वेगळं आणि विचित्र वाटलं होतं. असं जग अस्तित्त्वात असूच शकत नाही असा एक भाबडा आशावाद होता, नंतर कामानिमित्ताने ते जग बर्‍याचदा बघितलं. तेव्हा तेव्हा भिन्न मनामधे उलगडत गेली.

लेख आवडलाच. भिन्न वाचली होती, संग्रहीही आहे. चिनूक्स यांचा लेख वाचून भिन्न विकत घेऊन आलो होतो. बायकोनेही वाचली. दोघांच्याही मनावर साधारण तसाच परिणाम झाला जसा वर बहुतेकांनी लिहिलेला आहे. बी यांचा हा एक चांगला लेख वाचायला मिळाला.

मात्र - मला भिन्न ही कादंबरी 'आवडली' नाही. प्रभावी आहे, त्या पुस्तकाने करायचा तो प्रभाव केलाच, पण आवडली नाही. का ते खरंच सांगता येत नाही आहे. थोडा अंदाज केला तर असे वाटते की माहितीचे संकलन, कथानक सादरीकरण आणि वातावरण निर्मीती या सर्व बाबी 'सीमलेसली' झालेल्या नसाव्यात, ज्यामुळे वाचताना थोडा रसभंग होतो. चु भु द्या घ्या

तो ब्लॉग मात्र भारी वाटला.

बी, छान लिहिले आहे.
>> ही कादंबरी वाचली तेंव्हा एकदम हादरुन गेले होते.... किती तरी दिवस एकदम अस्वस्थ होते.... कविता महाजन च्या सगळ्याचपुस्तकांंबद्दल हा अनुभव आहे मग भिन्न असो वा "ब्र" >> मोहन की मीरा यांच्याशी अगदी सहमत. 'ब्र' वाचून अस्वस्थ व्हायला होतंच.

'भिन्न' अजून वाचलेले नाही.
गामा_पैलवान, ब्लॉगची लिंक दिल्याबद्दल धन्यवाद.
सरधोपटपणे जगताना जपलेल्या सगळ्या मध्यमवर्गीय जाणीवांना छेद देणारं कविता महाननांचं लिखाण आहे.

बी चांगले लिहीलेस!!
भिन्न वाचून खरंचच सुन्न झाले होते मी..

बी छान लिहिलं आहेस.

भिन्न ब्लॉग देखील आहे.
आणि लेखिका एका मराठी संकेतस्थळावर बर्‍यापैकी अ‍ॅक्टिव्ह आहेत.

'ग्राफिटी वॉल' अजून वाचले नाही अजून काय विषय आहे या पुस्तकाचा ?>>>>

ती एक ग्रफिटी वॉल आहे... मनाला जे आले ते लिहिलेल्या लेखांचा संग्रह आहे... त्यातले काही लेख विसरताच येत नाहीत... मुख्यत्वे पुरुष वेश्यांवर ( जिगोलो) वर लिहिलेला लेख... अंगावर सर्रकन काटा येतो....हे ही जग अस्तित्वात आहे आणि आपल्या भोवतीच आहे..... तुम्ही आम्हीच जन्माला घातलेले आहे....

छान लिहीले आहेस बी.

पुस्तक अजून वाचले नाहीये. पण तुझे परीक्षण खूप आवडले.

सुंदर लिहिलं आहेस, बी.

आता नक्कीच वाचेन. छान परिक्षण बी.

वाचलीय .. कविता महाजन यांच जवळजवळ सर्वच लेखन आवडलय आजपावेतो वाचलेलं ..
ग्राफीटी वॉल सर्वात पहिले हाती आलेली .. सुपर्ब आहे .. जिगोलो बद्दल वाचून मला पन अगदी काटा आला होता अंगावर .. ब्र सुद्धा मस्ताय .. त्यांच जोयानाचे रंग पन वाचायच्या यादीत आहे. लवकरच लागेल नंबर.. फेसबुक वर मी फॉलोवर आहे त्यांची म्हणुन त्यांचा ब्लॉग नियमीत वाचायला मिळतो . खुप मस्त कथा, लहान मुलांच्मुलांच्या, लेख, वृत्तपत्रातली सदर अगदी सगळचं .. जमल तर नक्की वाचा आणि भेट द्या

अरे हा सांगायच राहिलच.. बी परिक्षण मस्त लिहिलयं .. आवडल.

गापै bhinn साठी खुपच धन्यवाद

बीचा रिव्ह्यू चांगलाच आहे पण भिन्न मला फार वैयक्तिक अनुभव वाटतो, भिन्न बद्दल काही बोलावेच वाटत नाही..

चांगलं लिहलय परीक्षण.. भिन्न विषयी बरंच ऐकून अगदी विकत घेऊन वाचलीय. वाचून खूपच अस्वस्थ व्हायला झालेले.
>>आपल्या अनुभवांच्या कक्षेत एखादी गोष्ट नाही म्हणजे ती नाही असे होत नाही>>> अगदी खरंय.. खूपवेळा आपलं अनुभव विश्व फारच तोकडं असतं.

लेख आणि प्रतिसाद वाचनीय आहेत.

कविता महाजनांचा ब्लॉग वाचायची तीव्र इच्छा होती, पण ब्लॉग काढून टाकला आहे :sad:

हो ना

समीर गायकवाड ना फॉलो करतेस का फेसबुकवर? तेदेखील या विषयावर भरपूर लिहतात.

समीर गायकवाड ना फॉलो करतेस का फेसबुकवर? तेदेखील या विषयावर भरपूर लिहतात. >>>> फेसबुकवर नाही, पण इथे मायबोलीवर वाचल्या आहेत कथा/लेख. फार अस्वस्थ करणारं त्रासदायक लिखाण असतं. आज फेसबुकवर शोधते.