कॉर्न चावडर

Submitted by मृण्मयी on 5 December, 2012 - 21:51
प्रत्यक्षात लागणारा वेळ: 
४५ मिनिटे
लागणारे जिन्नस: 

अर्धा टेबलस्पून लोणी + अर्धा चमचा कॉर्न तेल
१ तमालपत्र
चवीला मीठ
१ लहान कांदा, बारिक चिरून.
१ लहान बटाटा, मध्यम आकाराच्या काचर्‍या.
पाव कप गाजर, बारिक तुकडे करून.
पाव कप सेलरी, बारिक चिरलेली.
पाव कप लाल सिमला मिरची, बारके चौकोनी तुकडे करून.
२ मोठे कप भरून मक्याचे ताजे दाणे / फ्रोजन असल्यास थॉ करून.
अर्धा टीस्पून सेज. ताजी / वाळवलेली पूड चालेल.
चवीनुसार मिरंपूड.
३ कप दूध. (फुल फॅट घेतलं तर चवदार लागतं, पण २% चालेल.)
(मकादाणे गोड नसतील तर) चमचाभर साखर.

क्रमवार पाककृती: 

-लोणी-तेल नॉनस्टिक भांड्यात वितळवून त्यात तमालपत्र घालावं.
- यात आता कांदा परतून घ्यावा. मंद आचेवर, ब्राउन न होऊ देता शिजवावा.
-इतर भाज्या घालून मंद आचेवर ५-६ मिनिटं परतून सेज घालावं.
- उकळी आलेलं दूध भाज्यांवर ओतून ढवळून घ्यावं.
-झाकण ठेवून, मंद आचेवर बटाटा शिजेपर्यंत (साधारण अर्धा तास) ठेवावं. तोवर इतर भाज्या शिजल्या असतील.
-सगळ्या भाज्या व्यवस्थीत शिजल्यावर आता यात मीठ, मिरपूड घालून सतत ढवळावं.
- मीठ घातल्यावर दूध फाटू नये म्हणून ढवळणं अत्यावश्यक.
-या वेळी चावडरमधलं दूध फार पातळ वाटल्यास लहान चमचा मैदा / कॉर्नपीठी पाव कप गार पाण्यात मिसळून, हे मिश्रण चावडरमधे घालावं.
-गरम गरम खावं.

corn-chowder-maayboli.jpg

वाढणी/प्रमाण: 
३-४ जण. बरोबर पाव, टोस्ट आणि तत्सम घेऊन.
अधिक टिपा: 

*मूळ पाककृतीतलं बेकन गाळलं आहे.
*मूळ पाककृतीत मक्याचे दाणे शेवटी घातलेत. इतर भाज्यांबरोबर घातल्यावर जास्त चांगले शिजतात.
*फ्रोझन असतील तर ३-४ मिनिटं मायक्रोवेव्हमधून काढून किंवा गरम पाण्यात बुडवून, गाळून घ्यावे.

माहितीचा स्रोत: 
http://www.simplyrecipes.com/recipes/corn_chowder/
आहार: 
शाकाहारी
पाककृती प्रकार: 
सूप
प्रादेशिक: 
इटालियन
शब्दखुणा: 
मका
कॉर्न
चावडर
Groups audience: 
पाककृती आणि आहारशास्त्र
Group content visibility: 
Public - accessible to all site users
शेअर करा

मृ: लई भारी फोटू..आत्ता करून खावसं वाटतय..
वरच्या सा हित्यातल सेज न सेलरी सोडून सगळे पदार्थ घरी आहेत....
ते न वापरता केलं तर खूप फरक पडेल का चवीत?

Submitted by बिनू on 5 December, 2012 - 22:10

लाजो, बिनू, धन्यवाद!

बिनू, सेजची वेगळी अशी चव मला तरी कळली नाही. सेलरीचीदेखिल नाही. काही फरक पडत नसावा चवीत. (दुसरं कुठलं इटालियन हर्ब चालेल का?)

Submitted by मृण्मयी on 5 December, 2012 - 22:12

मस्त दिसतंय. गार्लिक ब्रेडबरोबर भारी लागेल गरमागरम खायला. ओरेगानो मस्त लागेल.

Submitted by पूनम on 6 December, 2012 - 02:15

आमच्या शॉपराइट मध्ये ह्या सर्व भाज्यांचे एकत्रित पॅकेट मिळते. आता आणून करून बघेन. प्रॉन्स पण घालतात ना? मिक्स हर्ब्स घालणार.

Submitted by अश्विनीमामी on 9 December, 2012 - 10:00

सेज न सेलरी न वापरता केलं....
पोट भरीचं झालं ..छान क्रीमी ..
फारच सौम्य लागत होतं चवीला..
तिखट्पणासाठी वरून थोडे चिली फ्लेक्स घातले.

Submitted by बिनू on 10 December, 2012 - 10:58

आज केलं ह्या पद्धतीने. मस्त झालं.

सेलरी घातली नाही आणि सेजच्या ऐवजी (गलतीसे) बेसिल टाकलं. तेवढं चालवुन घ्या Wink

Submitted by तृप्ती आवटी on 21 January, 2013 - 21:02

आणि मी काल केलं. मस्त झालं होतं. माझ्याकडे सेलेरी नव्हती म्हणून ती नाही घातली आणि सेजच्या ऐवजी ओरेगनो घातलं.

Submitted by राखी on 21 January, 2013 - 22:03