पाऊसथेंब

Posted
13 वर्ष ago
शेवटचा प्रतिसाद
13 वर्ष ago
11

पावसाचे थेंब झेलायला तू नेहमीच धावतेस
मोठ्ठ्या मोठ्ठ्या डोळ्यांनी पाऊस पाहत राहतेस

दुसरा थेंब झेलताना पहिला गळून जातो
अन् नवीन थेंबही हातून हळूच पळून जातो

तरी थकत नाहीस अन् अशीच खेळत राहतेस
अल्लड बालेसारखी मनमुराद भिजत राहतेस

कसं समजत नाही तुला, आयुष्य असंच असतं
म्हटलं तरी मुठीत बंद करता येत नसतं

क्षण असेच निसटत राहतात प्रत्येकाच्या हातून
एकास पकडू जाता अलगद् दुसरा जातो सुटून

जगणं मात्र पाऊसथेंबांसारखा नसतो खेळ
परत झेलता येत नाही निघून गेली वेळ!

विषय: 
लेखन
प्रकार: 
कविता
शेअर करा

क्षण असेच निसटत राहतात प्रत्येकाच्या हातून
एकास पकडू जाता अलगद् दुसरा जातो सुटून>>

सुरेख!!
आवडली कविता Happy

Submitted by के अंजली on 7 June, 2011 - 08:47

मस्तय Happy

Submitted by रोहित ..एक मावळा on 7 June, 2011 - 09:02

कविता आवडली. Happy तुमच्या पाऊलखुणा तपासायला गेलो आणि काही चांगल्या कविता मिळाल्या. Happy

अभिनंदन!

Submitted by बेफ़िकीर on 28 September, 2011 - 22:47